Taeka n Rabakau 11:11 - Te B'aib'ara

¹¹ Ngkana e kakab'aiaia ana aomata te Atua, ao e riki ni korakora aia kaawa. Ma e konaa ni uruana aron te kaawa te tia kam'ane n ana kewe.

Taeka n Rabakau 11:11 ပူးပေါင်းရင်းမြစ်များ

Karikani B'aai 45:8

Ma ngaia are, tiaki ngkami ae kam karokoai ikai, ma bon te Atua. E a tia ni karikai b'a te aobitia ae rietaata i roun te uea. E anganai taekan abana ni kabutaa, boni ngai te tia tautaeka i aon Aikubita ni kabutaa.

2.Tamuera 20:1

Ao e mena ikekei te tia kamangao man te baronga are Beniamin. Arana bon Tieba are natin Bikiri te m'aane. E katanga te bu b'a e na botiia aomata. Ao i mwiina, e taku, “Kaain Iteraera, Ai tiaki ara Uea Tawita are natin Iete te m'aane! Ti a nako n okiri mwengara.”

Iobi 22:30

E na boni kamaiuko ngkana akea am bure, ngkana e bon eti te b'ai ae ko karaoia.

Taeka n Rabakau 11:10

Ngkana e kakab'aiaki te aomata ae e raoiroi, ao e mauna nako te aomata ae e buakaka, ao e karaoa ana baka ni kukurei te kaawa ae e b'anin.

Taeka n Rabakau 11:12

Bon te nanobaba taekinan b'aai aika a buakaka i bukiia kaain rarikimi. Ngkana kam iangoraoi, ao kam riai n aki kakarongoa.

Taeka n Rabakau 14:34

E uota te karineaki nakon te botannaomata karaoan ae e raoiroi, ma e karokoa te b'ainrang te bure.

Taeka n Rabakau 28:2

N tain te bubuaka ao a nang m'aiti taani kairiri, ma te tia kairiri ae iangoraoi e kawakina te tua ma taian kaetieti.

Taeka n Rabakau 29:8

Kakanikoaia tem'angina boni kaanga te kia are e kaura te kaawa ae e buubura; kabonganaan te iangoraoi e konaa ni kanakoa uran te maraki n nano.

Te Minita 9:15

Ma e maiu te kaawa arei ni wanawanan te aomata temanna ae e maiu ni kainano, are e a manga m'aninga te aba taekana n te tai ae e waekoa.

Iakobo 3:6

Ao te newe ai aron te ai. B'a te newe kanga te aonnaba ae on n te buakaka i buakoni b'ain rab'atara nako; e kam'araea te rab'ata ni kabane, ao kanga e kaurarakea maiura ae b'anin n uran te ai mai Keenna.