Taeka n Rabakau 10:8 - Te B'aib'ara

⁸ Ngkana iai te iangoraoi iroum ao kam na kakauongo ma n ongotaeka, Ngkana kam rangi ni b'aab'arantiko, ao kam bon uruana aromi i bon iroum.

Taeka n Rabakau 10:8 ပူးပေါင်းရင်းမြစ်များ

Taian Areru 119:34

Anganai te kona n ota n nanon am Tua, B'a I aonga n ongeaba nako iai, ao ni kawakinna ma nanou ni koaua.

Taeka n Rabakau 1:5

Ngkana kam'aa kaman wanawana, kam na manga wanawana riki. Ao ngkana kam birikatai, ao kam na manga rabakau n ataib'ai,

Taeka n Rabakau 10:10

E karekea te kangaanga te kam'aam'ane, ao te taetae n nanobaba e na karokoa te urub'ai.

Taeka n Rabakau 10:14

Ngkana kam iangoraoi, ao kam na karekea te rabakau n aron ae kam konaa, ma e na waekoa n uruana arom te taetae n nanobaba.

Taeka n Rabakau 12:1

Kam wanawana ngkana kam kariaia kaetakim, ao ngkana kam rawa ao kam bon nanobaba.

Taeka n Rabakau 12:13

Ti boni kam'aneira i bon iroura ngkana ti taekina te kewe, ma ngkana ti maeka ma te raoiroi ao ti bon kararoaira iai ma te kiriwe.

Taeka n Rabakau 13:3

Kaawakina te b'ai ae kam ataia i bon iroumi, ao kam na maiu; te b'arantiko, e na bon urua arom.

Taeka n Rabakau 14:23

E boongana te m'akuri m'aaka, ma a na karikiko b'a te aomata ae e maiu ni kainano te taetae ae e akea kanoana.

Taeka n Rabakau 14:8

Akea aia kangaanga aomata aika a wanawana ngkana a kakaaea kawaia, ma a waekoa ni bua aomata aika a nanobaba.

Taeka n Rabakau 9:8

Ane a na un iroumi taani kamoamoa ni kabane akana kam kaetiia. Ma ngkana kam kaeta temanna ae iai ana iango ao kam na taatangiraki.

Taeka n Rabakau 9:9

Ngkana iai am iangoraoi, ao e na buokiko taian reirei ni karekea riki nanom ae e riai. Ao ngkana ko maiu raoi, e na buokiko te kamateb'ai ni konaa n ataa riki are i aona.

Te Minita 10:12

A na reke raraom, ngkana ko taetae ni iango raoi; ao ngkana ko taetae n nanobaba ao ko bon tiringko iai i bon iroum.

Iakobo 3:13

Antai te aomata ae rabakau ae atatai i buakomi? E na kaotia ni maiuna ae e raoiroi ao n ana m'akuri aika raraoi aika e karaoi ma te nimamannei ao te rabakau.