Taeka n Rabakau 10:29 - Te B'aib'ara

²⁹ E kaawakiniia ni kabane aomata aika a maiuakina te raoiroi te UEA, ma e uruana aroia akana a karaoa ae e bure.

Taeka n Rabakau 10:29 ပူးပေါင်းရင်းမြစ်များ

Iobi 31:3

E karokoa te kangaanga ma te urub'ai te Atua ae m'aaka i aoia aomata aika buakaka.

Taian Areru 1:6

A kairiiraki ma ni kawakinaki iroun te UEA aomata akana a raoiroi, ao aomata akana a buakaka a toua kawain te kabuanib'ai.

Taian Areru 36:12

Noriia te koraki ake a buakaka! A b'aka ni wene, n aki manga kona n teirake.

Taian Areru 37:20

Ma a na mate akana buakaka; ane a na mauna akana riba te UEA, n ai aroni maunan tamaroan ueeni kaai: ane a na mauna n ai aroni bubun te ai.

Taian Areru 84:7

A rikirake riki ni marurung n aia tai ni m'ananga; A na nora te Atua ae tautaeka i aoia atua i Tion.

Taian Areru 92:7

A kona n rikirake akana buakaka kanga ai aroia uteute, ao a maiu raoi; Ma ane a na kamaunaki n aki toki,

Taeka n Rabakau 11:7

E mate naba aia kaantaninga aomata aika a buakaka ngkana a mate.

Taeka n Rabakau 13:6

Maiu i nanon te koaua, ao kam na maiu! Ma e na uruana arom te bure.

Taeka n Rabakau 21:15

A na kukurei kaain te aba, ao a na maaku taan aonikai ngkana e karaoaki te motikitaeka ae e eti.

Itaia 40:31

Ma e na manga reke te korakora ae boou irouia akana a onimakina te UEA. A na korakora kaanga ikare a na betiraoi i aoni baiia ni kiba; a na nakonako ao a na biribiri ao a na aki kua.

Otea 14:9

Ngkana kam wanawana, kam na ataa nanon te b'ai ae I nanonna. Bon te UEA Ngai, ao I kairingkami n te kawai ae e eti. Ti na kaai n nakonako ngkana kam ongotaeka Irou, ma e na toki waemi ngkana kam buakaka.

Tekaria 10:12

N na kakorakoraia Au aomata i bukina ngkai bon te UEA Ngai, ao a na irai. Bon aei Au taeka Ngai ae te UEA!

I-Biribi 4:13

I konai b'aai ni kabane ni kaitarai iroun Teuare kakorakoraai.