Taeka n Rabakau 10:25 - Te B'aib'ara

²⁵ A na mauna nako aomata aika a buakaka aikai a ngkana e roko te angibuaka n oroia, ma e na kaawakiniia ni kabane aika a ongotaeka i rouna te Atua.

Taeka n Rabakau 10:25 ပူးပေါင်းရင်းမြစ်များ

Iobi 17:9

E na bon aki toki waen te aomata ae raoiroi, ao e a rikirake ni korakora ma ni korakora ane e itiaki baina.

Iobi 20:8

E na bua n ai aron te mii, kaanga te mii ae kakamaaku n te tairiki, ao e na aki manga oki n nooraki.

Iobi 21:18

ma n tewenakoia kaanga te maange ae ukaki nako n te ang, ke te baareka ae uotaki nako n te angibuaka?

Taian Areru 125:1

Akana onimakina te UEA ai aron te maunga are Tion, are aki kona ni m'aing, are tei n nene ni matoatoa n aki toki.

Taian Areru 15:5

A karaoi aia katangom'ane n akea aia bakao ia, man aki karaoi aia babakanikawai iai ni karawawataia aika aki ataib'ai. Uake a karaoi baikai ni kabane ana bon tei n nene.

Taian Areru 58:10

Ane a na kakatonga aomata akana raoiroi n noriia akana buakaka ngkana a reke kaiia. Ane a na teboki waeia n raraaia akana buakaka.

Taian Areru 58:9

A tiringaki kanga ai aroia uteute, n akea ataakina irouia mai m'aina: E na ukia nako te Atua ni korakoran unna ngkai a boni maiu.

Taeka n Rabakau 1:27

taian aoraki aika a korakora, ke ngkana a otab'aniniaki n taian kangaanga ma karawaawata aika kaanga taian angibuaka.

Taeka n Rabakau 10:30

A na tei ni matoatoa aomata aika a raoiroi, ma a na bua abaia aomata aika a buakaka.

Taeka n Rabakau 12:3

E aki konaa n reke te teimatoa man te bure! ma ngkana kam maiuakina te raoiroi, ao kam na kateimatoaki kaanga ai aron te aroka ae e nene wakaana.

Taeka n Rabakau 12:7

N te tai are a konaaki iai aomata aika a buakaka ao ai bon anne naba tokiia n aki toki, ma bon akea ae e ongotaeka iroun te Atua ae e na karenakoaki.

Itaia 40:24

Ti te bo ngaiia ma taian uee aika a tib'a ure ao a tabe n rikirake. Ma ngke e ukia te Atua, ao a rai ma n uotakinako kaanga te maange n tain te angibuaka.

Mataio 16:18

Ao I taku nako im, b'a Betero ngkoe, ao N na katea au ekaretia i aon te b'aa aei; ao e na aki kona n ekianako m'aakan te mate.

I-Ebeto 2:20

Kam kateaki i aon taiani boua ake taan tuatua ma burabeti; ao Kristo Iesu boni Ngaia te atibu are bouan te maninganinga are moan te kakannato;

1.Timoteo 6:19

ao n te aro aei a kaiko iai kaub'aia ae na riki b'a aaia ae e raoiroi i bukini boong aika na roko, b'a e aonga n reke i rouia te maiu ni koaua.

2.Timoteo 2:19

Ma te aana ae matoatoa are ana aana te Atua e bon aki kona ni kam'aingaki; ao a koreaki i aona taeka aikai: “E bon ataiia ana aomata te Uea” ao “A na bane ni kitana te buakaka akana m'anewea aran te Uea.”