Taeka n Rabakau 10:22 - Te B'aib'ara

²² Ngkana e kakab'aiaingkami te UEA n taiani kaub'ai, ao bon akea te b'ai ae kam na raraomaeakinna.

Taeka n Rabakau 10:22 ပူးပေါင်းရင်းမြစ်များ

Karikani B'aai 12:2

N na anganiko am kariki aika rangi ni m'aiti, ao a na riki b'a te botannaomata ae korakora. N na kakab'aiako, ao N na kakannatoa aram, b'a ko aonga n riki b'a te kakab'aia nakoia aomata.

Karikani B'aai 13:2

Ao bon te aomata ae rangi ni kaub'ai Aberam n te tiibu, ma te kooti, ma te kao, ao ai uana naba ma te tirewa ma te koora.

Karikani B'aai 14:23

b'a N na bon aki taua te b'ai teuana man am b'ai nako, e ngae naba ngkana tao ti teaina te karai ke ti teuana kabaean te kauniwae. B'a ko kaawa ni manga kaangai, ‘A reke kaub'ain Aberam mairou.’

Karikani B'aai 24:35

E a tia ni kakab'aiaa au toka are te UEA, ao E karikia b'a te aomata ae kaub'ai. E anganna ana nanai n tiibu, ana nanai ni kao, ana tirewa, ana koora, ana toro aika aine ma mm'aane, ana kamero, ao ana aati.

Karikani B'aai 26:12

Ao e ununiki Itaaka n te aba arei, ao n te ririki are e taia tebubua okiokin te m'aiti are e a tia n unikia, i bukina ngke E kakab'aiaki iroun te UEA.

Karikani B'aai 26:13

Ao e reitinako arona arei ni karokoa e a riki b'a te aomata ae rangi ni kaub'ai.

1.Uea 21:19

Ko na nako n tuangnga au taeka ae e kaangai, “Aaba ko tiringa Naabota ao ko anaa ana b'ai. Ma ngaia are, n te tabo are e neweneweaki iai raraan Naabota irouia kamea, ao e na manga neweneweaki naba iai raraam.” Ao ngke e reke iroun Eria,

1.Rongorongo 4:10

E tataro n te tai teuana nakon Atuan Iteraera ni kaangai, “Taiaoka kakab'aiaai ao anganai abau aika a m'aiti. Ko na aki kikiitanai b'a I aonga n aki reke n te kabuanib'ai.” Ao E karaoi b'aai ake e a tia ni bubuti iai Iabeti te Atua.

2.Rongorongo 25:9

Ao e kaeka Amatia ni kaangai, “Ao tera ae n nang karaoia n taian tirewa ake I kabooia iai kaain te taanga ni buaka aei?” Ao e taku te burabeti, “Ane e na kaoka ae e m'aiti riki te UEA nakon ane ko a tia ni kabanea ni kabooia iai tautia.”

2.Rongorongo 32:27

Ao e a rangi ni kaub'ai Etekia, ao a bane ni karinea aomata. E karaoi taian ru aika a kaokoro i bukin taian tirewa, koora, ao atiibu aika a tamaroa ao taiani b'ai ni kaboiarara, taian otanga, ao b'aai riki ake tabeua aika a kakaawaki.

2.Rongorongo 32:29

E karika Etekia te UEA b'a e na rangi ni kaub'ai, ma ngaia are, e a manga karekei riki ana tiibu, kooti, ao ana nanai ni kao. Ao e katei naba taiani kaawa ike a na konaa ni kawakinaki iai taiani man aikai.

Taian Areru 107:38

E kakab'aiaia ana Aomata ni kabatiai natiia; Ao E kawakinia aia kao b'a a na aki kerikaki m'aitiia.

Taian Areru 127:2

E matebuaka te kamarurung n tarai-aro i bukini maium, n uti nako i m'ain otin taai ni m'akuri ni karokoa ae e a tai-raa: B'a E kareke b'aai te Atua nakoia akana E tangiriia, n aia tai ni matu.

Taian Areru 37:22

A na abana te aba akana kakab'aiaki iroun te UEA; ma a na kakioaki nako akana a reke kaiia i rouna.

Taeka n Rabakau 14:24

E konaa ni karikiko b'a te kaub'ai te wanawana, ma te nanobaba e kona ni kairiko nakon te nanobaba ae e korakora riki.

Taeka n Rabakau 20:21

Te waetata n riki ni kaub'ai e na manga bitaki nakon te maraia.

Taeka n Rabakau 28:22

Tai iaiangoia b'a ti ngkoe te aomata ma n rangi ni iangoia b'a ko na kaub'ai b'a ane ko na manga aki toronib'ai riki nakon are ko kaantaningaia.

Taeka n Rabakau 8:21

ao I anga taiani kaub'ai aika a korakora nakoia ni kabane aika a tangirai.

Taniera 1:15

Ao ngke e a roko te bong arei, ao a taraa ni marurung riki nakoia ake a am'am'arake n am'araken te bareti.

Tekaria 5:4

Ao E taku te UEA ae Moan te M'aaka, “I kanakoa te niira ni boki aei nakon aia auti aomata nako aika taani kimoa ke taani kewe n arau, ao e na tiku ikekei ni karokoa e bane ni b'aka kain nako te auti arei.”

Te Tua-Kaua 26:10

Ao ngkai te UEA, I uoti nakoim kabanean raraoin uaan te uita ma te b'aare ake Ko a bon tia n anganai.

Te Tua-Kaua 28:11

E na anganingkami natimi aika m'aiti te UEA, ao kam na kakoauaa b'a a na bungiia natiia aika m'aiti ami man aika kawakawa. E berita ngkoa te UEA nakoia ami bakatibu b'a bon ami b'ai te aba aei, ao E na karikia b'a te aba ae korakora am'araken aona i bukimi.

Iotua 6:18

Ma bon akea b'ain te kaawa aei ae kam na anaia b'a a na bane ni kamaunaaki; ngkana iai te b'ai teuana ae kam anaia ao bon iai te kabuanib'ai, ao te urub'ai ae e na reke nakoia aomatan Iteraera ni kabane.