Taeka n Rabakau 10:21 - Te B'aib'ara

²¹ A m'aiti aika a buokaki n taian taeka n reirei aika a manena, ma a tiringaki taian nanobaba ni bon oin nanobabaia.

Taeka n Rabakau 10:21 ပူးပေါင်းရင်းမြစ်များ

Iobi 23:12

I karaoi Ana mwioko ni kabane ake E tuangai b'a N na karaoi.

Taian Areru 37:30

Iai te ataib'ai n ana taeka te aomata ae e raoiroi, Ao akea te nanonano iai.

Taeka n Rabakau 1:29

Eng, e na bon akea te b'ai ae kam na ataia, ao kam na bon rawa ni karinea te UEA.

Taeka n Rabakau 1:31

“Ngkai kam nang boni kana uaan te b'ai ae kam a tia ni karaoia ni karokoa te tai are kam a onrake n te b'ai ae kam a tia ni baaireia.

Taeka n Rabakau 1:32

E na karokoa te mate te bure ma te kamoamoa nakon te nanobaba n rangirang.

Taeka n Rabakau 10:11

Aia taeka aomata aika a raoiroi bon boton te maiu, ma a karabaia aika a buakaka i akuun aia taeka aomata aika a buakaka.

Taeka n Rabakau 12:18

E korokoro kaanga te kabaang te taeka ae akea nanoia, ma e kamaiua te aba te taeka ni wanawana.

Taeka n Rabakau 15:4

Bon taian b'ainaoraki taeka aika a raoiroi, ma taeka ni kewe a konaa ni kaikoaka te aomata.

Taeka n Rabakau 15:7

A karekea te iango raoi taeka ni wanawana; bon akea nanon te b'ai ae a iangoia aomata aika a nanobaba.

Taeka n Rabakau 17:16

E aera ngkai e na iai aia m'ane nanobaba i bukin aia reirei ngkai a rawa n reirei?

Taeka n Rabakau 5:12

ma n takaarua, “I ribaai taeka n reirei ma kaetakiu!

Taeka n Rabakau 5:2

E na bon riai n iai ana babaaire nanom, ao ko na bon riai n taai nako n ataia b'a tera ae ko riai n taekinna.

Taeka n Rabakau 5:23

A bua mani mate i bukin nanobabaia ao mamaaran tauan aroia i bon irouia.

Taeka n Rabakau 6:32

Ma ngkana ko matu ma buun te m'aane temanna, ao ko na bon uruana arom ni uaan am nanobaba.

Te Minita 12:11

Ti te bo te taeka ni wanawana ma ana kai te tia kaawakiniman are e kaakaboonganaa ni kaiririia iai maan. A roko taeka n rabakau aikai mairoun te Atua, are bon ti ngaia ara tia kaawakintiibu, ao kaanga ai aron taian neera ake a kanim ni kamatoai b'aai n ti teuana.

Itaia 5:13

ma ngaia are, bon akea ae e ataa aron te UEA. Ao anne bukina ngkai a na m'aiti mai buakomi aika a na uaakinaki nakon abaia ianena. A na mate ni baki ami taani kairiiri, ao a na bane kainano aomata ni bora n taka.

Ieremia 15:16

I rangi n ongotaeka, ngke Ko taetae nako iu, i bukina ngke bon Am b'ai ngai, te UEA ae Moan te M'aaka.

Ieremia 3:15

Ao i mwiina, N na rineia taan tautaeka aika a wanawana aika a na ongotaeka irou, ao a na kakaawakiningkami kaanga taan kaawakintiibu.

Otea 4:6

Kam a tia ni katinanikuai ngkami aika ibonga, ao a uruanaki au aomata i bukina ngke a rawa n ongo. Ma ngaia are, N na katinanikuingkami ma ni kaaki taekaia natimi, i bukina ngke kam a tia ni m'aninga taekan au tua.

Mataio 12:35

E kaoti baika raraoi te aomata ae raoiroi man ana b'ai nako aika raraoi; ao e kaoti baika bubuaka te aomata ae buakaka man ana b'ai nako aika bubuaka.

Mataio 13:19

Ngkana e ongo taekan Uean te Atua te aomata ao e aki ata nanona, ao e roko iai teuare buakaka n anaa are e a tia n unikaki i nanona; aei te koraa are unikaki ri rarikin te kawai.

I-Rom 1:28

Ngke a rawa ni kaaki i nanoia ataakin te Atua, ao E katikuia n aroia aika ti te iangoi baika kammaira, b'a a aonga ni karaoi m'akuri aika aki riai.

1.Betero 5:2

kam na tararua raoi ana nanai te Atua ma ni kawakinna raoi, tiaki n te aro ae kam kairoroaki iai; ma kam na kawakinna ma te nano ni kukurei n ai aron nanon te Atua. ao kam na kawakinna naba, tiaki i bukin te kanib'aib'ai n te aro ae aki riai, ma i bukina b'a bon iai nanomi ae korakora nako iai;