Taeka n Rabakau 10:2 - Te B'aib'ara

² Bon akea buokam ae e na anganiko b'aai akana kam karekei mani karaoan m'akuri aika a buakaka, ma karaoan ae e raoiroi e na boni konaa ni kamaiuko man te mate.

Taeka n Rabakau 10:2 ပူးပေါင်းရင်းမြစ်များ

Taeka n Rabakau 11:4

Ngkana e un te Atua, ao e na bon aki buokingkami te m'ane. Te ongotaeka iroun te Atua bon ti ngaia te kawai i bukin karekean te maiu man te mate.

Taeka n Rabakau 12:28

Ira te kawai nakon te maiu ao ane kam na aki katabeaiangaaki n te mate.

Taeka n Rabakau 13:11

E na waekoa ni bane teutana i mwiin teuana te m'ane ae e reke n tiaki angana; te m'ane ae e reke teutana i mwiin teutana e na bon rikirake man rikirake.

Taeka n Rabakau 21:6

Bon te mii ae e nanobaba karekean te kaub'ai man te aonikai kaanga ai aron te bakabure.

Etekiera 7:19

Ane a na karenakoaki ami tirewa ma ami koora nakon nnen te maange i rarikin kawain nuukan te kaawa i bukina b'a bon aikai baika uoua aika kairingkami nakon te bure, ao ngkai a aki konaa ni kamaiungkami man uniu. A na bon aki tau naba i bukin kabooan te am'arake.

Taniera 4:27

Ma ngaia are, ‘Te uea ae ko karineaki, karaoi kanoan au kaetieti. Katoka karaoan te bure, karaoa ae e raoiroi, ao nanoangaia akana aki kaub'ai. Ao i mwiina, e a tib'a kona n rikirake ueam.”

Teb'ania 1:18

N te bong arei ngkana e roko unin te UEA, ao ana bon aki kamaiuaki n aia tirewa ma aia koora. E na bane ni mauna te aonnaba n uran unna. E na karokoa te toki; te toki ae e karina nakoia ake a maiu i aonnaba.

I-Rom 2:5

Ma ngkai a matoatoa nanomi n rawa ni kani kaetaki, ao kam kaikoa te un nakoimi nakon te bong are e na kaotaki iai unin te Atua ma ana motiki-taeka ae eti.

I-Rom 5:21

B'a aron te bure ngke e noraki arona n uea n te mate, ao ai arona naba b'a e na uea te akoi ni kaetan arora n reitaki ma te Atua, ao ni kairira naba nakon te maiu are aki toki iroun Iesu Kristo are ara UEA. Ao te bure e karokoa te mate, ao a bane n rotaki aomata ni kabaneia n te mate i bukina b'a a bane ni bure.

I-Biribi 3:9

ao I aonga n noraki n arou n reitaki ma Ngaia, b'a e aki reke kaetan arou n reitaki ma te Atua n te Tua, ma e reke n onimakinani Kristo; kaetan arou aei boni mairoun te Atua, ao e reke i bukin te onimaki.