Taeka n Rabakau 10:1 - Te B'aib'ara

¹ Aikai tabeua ana taeka n rabakau Toromon: A kakukureia aia karo ataei aika a iangoraoi, ma a karawaawataaki nanoia irouia ataei aika a nanobaba.

Taeka n Rabakau 10:1 ပူးပေါင်းရင်းမြစ်များ

1.Uea 4:32

E koroi 3,000 taeka n rabakau Toromon, ao e otoi e raka i aon 1,000 taian anene.

Taeka n Rabakau 1:1

Aikai ana taeka n rabakau te Uea are Toromon are mai Iteraera, are natin Tawita te m'aane.

Taeka n Rabakau 13:1

A kariaia kaetakiia irouia aia karo ataei aika a iangoraoi, ma a aki tabe ma kaetakiia ataei aika a taningabono.

Taeka n Rabakau 15:20

A kakukureia aia karo ataei aika a iangoraoi, ma a rangi n ribaaki irouia ataei aika a nanobaba.

Taeka n Rabakau 17:21

Bon akea kakukurein te riki b'a aia karo taian nanobaba ao akea riki te b'ai ae e na kaantaningaaki b'a ti te maraki.

Taeka n Rabakau 17:25

A uota te nanokawaki naati aika a nanobaba nakoia tamaia ao te maraki nakon tinaia.

Taeka n Rabakau 19:13

e uota te kamaamaaeaki nakon tamana te nati ae e nanobaba. Te aine ae e meremere n taai nako boni kaanga timtim ni karau ae e teimatoa ni b'aka.

Taeka n Rabakau 25:1

Aikai riki tabeua ana taeka n rabakau Toromon. A karekeaki katotoia irouia ana mataniwi uean Iuta are Etekia.

Taeka n Rabakau 27:11

Natiu, kaota te wanawana! Ao n na kukurei iai ao n na konaa ni kaekaia aomata nako aika a tiribureai.

Taeka n Rabakau 29:15

Kaetiia am ataei, ao ane a na wanawana; ataei aika a aki konaa ni kairaki a bon kamamaaia tinaia.

Taeka n Rabakau 29:17

Ane a na anganiko te rau ma te kukurei natim ngkana ko kaetiia.

Taeka n Rabakau 29:3

Ngkana ko tangira te wanawana ao a na kukurei am karo, ma kaakawaraia aine aika a buakaka e na kabuai am b'ai ni kabane.

Te Minita 12:9

Bon te tia reirei ngai ae I rangi n ataib'ai, ao I bobooti taeka n rabakau aika a m'aiti aika I a tia ni manga rinanoi.

Te Minita 2:19

Antai ae e ataia b'a a iangoraoi te koraki aikai, ke a nanoroo? E ngae ngke iangoraoi, ke e nanoroo ma N na boni b'aini b'aai ni kabane aika I a tia ni karekei n au m'akuri korakora ao wanawanau. Bon akea nanona.