Ruuta 4:6 - Te B'aib'ara

⁶ Ao e kaeka te koraki ni kaan arei ni kaangai, “Ngkana arona anne, ao I a aki kani kabooa b'a ngaia a na aki b'aib'ai natiu iai: Ko a kabooa: I aki kani kabooa.”

Ruuta 4:6 ပူးပေါင်းရင်းမြစ်များ

Karikani B'aai 38:8

Ao e manga taku Iuta nakon tarin Era are Onan, “Naako matu ma buun tarim are mate. Onea mwiin tarim n riki b'a buuna, b'a a aonga n riki natin tarim.”

Nakoaia Ibonga 25:25

Ngkana iai i buakomi Iteraera ae e maiu ni kainano ae e kairoroaki b'a e na kabooa nako abana, am koraki ni kaan ae na kabooa ni kaokia,

Te Tua-Kaua 25:7

Ma ngkana tao arona b'a e a manga rawa tarin teuare mate ni iein ma te aine anne, ao e na nako neienne nako mataroan te kaawa are aia tabo ni kabowi taani kairiri ao e na kaangai, E mate buu, ao akea natina te m'aane are na manga kamaiua arana. Ao e rawa naba tarin buu ni iein ma ngai, ao e aki kona ni manga reke natiu te m'aane.

Te Tua-Kaua 25:8

Ao a na wetea tarin teuare mate taani kairiri nako mataroan te kaawa ma ni kataia n tuanga teuanne, b'a e na buuna buun tarina are e mate. Ma ngkana e rawa ni buunna,

Te Tua-Kaua 25:9

ao e na m'ananga te aine anne nakon tarin buuna i mataia taani kairiri, ao e na buuta ana kauniwae teuanne teuana, mani bawarea matana, ao e na kaangai, “Aio aron te aomata ae e rawa ni buoka karekean kanoan tarina are e a tia ni mate.”

Ruuta 2:20

E taku Naomi, “Ke e kakab'aiaki Boaati iroun te UEA, b'a E bon ataataiaomata te UEA nakoia aika a maiu, ao nakoia naba aika a tia ni mate.” E taku riki Naomi nakon Ruuta, “Bon ara koraki ni kaan te aomata anne, temanna ngaia ae e riai ni kawakiniira.”

Ruuta 3:13

Ko na tiku ikai ni kangainaa, ao ti na noria ningabong b'a ngkana e kani kawakiniko, ao e rangi n raoiroi, ma ngkana e aki, ao I tuea i matan te UEA b'a N na kawakiniko, wene ni kangainaa ikai.”

Ruuta 3:9

E taku Teuarei nakoina, “Antai ngkoe?” E kaeka Ruuta, “Bon Ruuta ngai ae am toro; ngkai bon te koraki ni kaan ngkoe, ao ko bon riai ni kaawakinai. Ma ngaia are, I butiiko b'a ko na kawakinai.”