Ruuta 4:5 - Te B'aib'ara

⁵ Ao e taku Boaati, “E rangi n tamaroa, ma ngkana ko kabooa te tawaana mairoun Naomi, ao ko na kabooa naba Ruuta are kaain Moaaba, are e a tia ni mate buuna b'a e aonga n tiku te tawaana i nanon ana utu teuare e mate.”

Ruuta 4:5 ပူးပေါင်းရင်းမြစ်များ

Karikani B'aai 38:8

Ao e manga taku Iuta nakon tarin Era are Onan, “Naako matu ma buun tarim are mate. Onea mwiin tarim n riki b'a buuna, b'a a aonga n riki natin tarim.”

Mataio 22:24

“Te Tia Reirei, e kangai Moote, Ngkana e mate te aomata ao akea natina, ao tarina e riai n iein ma buuna b'a a aonga n riki natiia, ao a na atongaki b'a natin teuare mate.

Ruka 20:28

ao a tabeka aia titiraki nako Ina ae e kangai, “Te Tia Reirei, e korea te tua Moote i bukira ae e kangai: ‘B'a ngkana e mate tarin te aomata, ao e tiku i mwina buuna ma akea natiia, ao tarina are maiu e na anaa neierei b'a buuna ao e na karikiia ataei b'a natin tarina.’

Te Tua-Kaua 25:7

Ma ngkana tao arona b'a e a manga rawa tarin teuare mate ni iein ma te aine anne, ao e na nako neienne nako mataroan te kaawa are aia tabo ni kabowi taani kairiri ao e na kaangai, E mate buu, ao akea natina te m'aane are na manga kamaiua arana. Ao e rawa naba tarin buu ni iein ma ngai, ao e aki kona ni manga reke natiu te m'aane.