Ruuta 4:4 - Te B'aib'ara

⁴ ao I taku b'a ko ataa taekana. Ma ngaia are, ngkai, ngkana ko tangiria, ao ko na kabooa i mataia koraki aika a tekateka aikai. Ao ngkana ko aki tangiria, ao ko na tuangai, b'a boni ngkoe ae ko riai moa ni kabooa, ao ngai i mwina.” Ao e taku teuarei, “N na kabooa.”

Ruuta 4:4 ပူးပေါင်းရင်းမြစ်များ

Karikani B'aai 23:11

“Ko na ongora i rou, I anganiko te katawanang ni kabane ma te b'anga ni matang ane iai. I bon taetae i mataia kaain abau aikai ni kabane, N na bon anganiko, b'a ko aonga n tauna iai rab'atan buum.”

Karikani B'aai 23:18

E bane n ataaki irouia kaain Eta ni kabane ake a mena n te kabowi arei b'a ai ana b'ai Aberaam.

Ieremia 32:25

Ma ngaia are, Ko aera ngkai Ko tuangai b'a N na karekeia taani kakoaua ma ni kabooa te tawaana n au tirewa, ao ngaia bon i aon kawaina n tauaki irouia kaain B'aburon?

I-Rom 12:17

Tai karaoa ae buakaka nakon te aomata ae karaoa ae buakaka nako im, ma karaoi baika raraoi i mataia aomata nako.

2.I-Korinto 8:21

B'a nanora bon te kani karaoi baika raraoi, tiaki ti i matan te UEA ma i mataia naba aomata.

Te Tua-Kaua 25:8

Ao a na wetea tarin teuare mate taani kairiri nako mataroan te kaawa ma ni kataia n tuanga teuanne, b'a e na buuna buun tarina are e mate. Ma ngkana e rawa ni buunna,

I-Biribi 4:8

Te kabane ngkanne: taari, kam na ti iaiangoi baika koaua, aika eti ma n itiaki, aika tangiraki ngkai a raraoi, aika baika riai ni kamoamoaki, ngkana iai te raoiroi teutana iai, ao ngkana iai te b'ai ae e kamoamoaki te aba iai.

Ruuta 2:20

E taku Naomi, “Ke e kakab'aiaki Boaati iroun te UEA, b'a E bon ataataiaomata te UEA nakoia aika a maiu, ao nakoia naba aika a tia ni mate.” E taku riki Naomi nakon Ruuta, “Bon ara koraki ni kaan te aomata anne, temanna ngaia ae e riai ni kawakiniira.”

Ruuta 3:12

E boni koaua b'a te koraki ni kaan ngai nakoni buum are mate, ao I riai ni kaawakiniko, ma bon iai riki te koraki ae kaan riki nako iu.

Ruuta 3:9

E taku Teuarei nakoina, “Antai ngkoe?” E kaeka Ruuta, “Bon Ruuta ngai ae am toro; ngkai bon te koraki ni kaan ngkoe, ao ko bon riai ni kaawakinai. Ma ngaia are, I butiiko b'a ko na kawakinai.”