Ruuta 4:12 - Te B'aib'ara

¹² Ke a riki natim ake E na anganiko te Atua iroun te ateiaine aei, b'a kaanga ana utu Bereti are natin Tam'aa ma Iuta.”

Ruuta 4:12 ပူးပေါင်းရင်းမြစ်များ

Karikani B'aai 38:29

Ma e a manga katika baina ni kaokia, ao e a manga bungiaki rimoa are tarina. Ao e a manga taku te tia tobi, “Ai toara ngkoe ni katabwena kawaim n otinako.” Ma ngaia are, e aranaki b'a Bereti.

Karikani B'aai 46:12

Iuta ma natina mm'aane ake: Tiera, Bereti, ao Teera, (Natin Iuta riki mm'aane ake tabeman, Era ao Onan, ake a mate i Kanaan.) Natin Bereti mm'aane ake Etiron, ao Amura,

1.Rongorongo 2:4

Ao iai natin Iuta ma buun natina are Nei Tama aika uoman aika Bereti, ao Tera.

Maraki 2:15

E bon aki karikingkami te Atua b'a kam na riki n ti teuana ma buumi? Ao e aera ngkai E karaoa aei? B'a kam aonga ni karikiia natimi, ao kam na kairiia b'a a na riki b'a a na aomata te Atua. Kam na aki manga oki ni karaoa aromi n aki kakaonimaki nakoia buumi.

Mataio 1:3

ao Iuta e karika Bereti ao Teera iroun Nei Taama; ao Bereti e karika Etiron; ao Etiron e karika Ram;

Ruuta 4:18

Ao aikai ana kariki Bereti ni karokoa Tawita: Bereti, e karika Etiron, Etiron e karika Ram, Ram e karika Amminataba, Amminataba e karika Nation, Nation e karika Taremon, Taremon e karika Boaati, Boaati e karika Obeta, Obeta e karika Iete, ao Iete e karika Tawita.

1.Tamuera 2:20

E aki toki Eri ni kakab'aia Erekana ma buuna ni kaangai, “E bungiaki Tamuera b'a kabooan ami tataro. Ngkai kam a tia n anga ngaia nakon te UEA. I tataro b'a E na kakab'aiaingkami te UEA ma n anganingkami riki natimi aika m'aiti ni kabooa mwiin natimi aei.” Ao ngke e a tia Eri ni kakab'aiaia, ao a oki rikaaki Erekana ma Nei Anna nakoni mwengaia.