Ruuta 4:1 - Te B'aib'ara

¹ Ao e nako Boaati nakon te tabo ni kabowi ni mataroan te kaawa, ao e tekateka iai. Ao e ri rarikina teuare e taekinna ngkoa b'a te kabanea ni kaan ni koraki nakon Erimereka, ao e taku Boaati nakoina, “Raou, nakomai tekateka ikai.” Ma ngaia are, e roko teuarei, ao e tekateka.

Ruuta 4:1 ပူးပေါင်းရင်းမြစ်များ

Karikani B'aai 19:1

Ao ngke a roko anera ake uoman i Tootom n te tairiki arei, ao e tekateka Roota i mataroan te kaawa are buubura arei. Ao ngke e nooriia uakekei, ao e teirake ni kawariia, ao e bobaraaki i mataia

Karikani B'aai 23:10

Ao e bon tekateka ikekei Ebiron i rarikiia kaain Eta ake a kabowi ni mataroan te kaawa; ao e kaeka ana taeka Aberaam i mataia kaain te kabowi akekei ni kabane ao e taku,

Karikani B'aai 34:20

Ao a nako Amora ma natina te mm'aane nakon te tabo ni kabowi i mataroan te kaawa n taetae nakoia aomatan te kaawa, ao a taku,

2.Tamuera 15:2

E ututi n te ingabong koraki ao e tataninga i rarikin te kawai are e nako nakon mataroan te kaawa. A bane n tootoua te kawai anne aomata ake iai tangitangiia iroun te uea, ao e butim'aia Abetarom n tatabemaniia nako ao e titirakiniia ni kaangai, “Ko nako mai ia?” Ma ngkana a kaangai aomata, “I nako man barongan meaang,”

2.Rongorongo 18:9

N te tai aei, a kunnikaiia Aaba ma Ieotiab'ata n te niiniira ni uea ao a tekateka i aon aia kaintokanuea n te tabo ni kaaki kunnuita i rarikin mataroan te kaawa are Tamaria, ao a tabe n ongora irouia burabeti ngke a taekin b'aai ake e taekin te UEA.

Iobi 29:7

Ngkana a bootaki unim'aanen te kaawa, ao ngai naba i buakoia.

Iobi 31:21

I tuai man katea te ataei ae akea ana karo n te bowi ni kaburebure, e ngae ngke I ataia b'a N na tokanikai i aona n te kabowi,

Taian Areru 69:12

A tataekinai i nanoni kawain te kaawa, Ao a karioaki anene aika iai taekau iai irouia taani moi manging.

Taeka n Rabakau 31:23

E rangi ni kinaaki buuna ao te tia kairiiri ae e karineaki n te kaawa ae e buubura.

Itaia 55:1

Nakomai mooi n te ran ngkana ko taka! Nakomai kana te b'ai ae ko kan kanna, ngkana akea am m'ane! Mooi n te wain ao te miriki ae akea boona.

Ieremia 32:10

I tiainaia ao I kanikinaea mwiin te m'akuri, ao I anga b'a e na kakoauaaki, ao I katinea rawaawatan te m'ane i aon taiani kainikatine.

Amota 5:15

E ririiba te buakaka, ao e tangira te eti, ao n taraia b'a e na karaoaki te kaetitaeka ae riai n tain te bowi. E na bon kona te UEA n nanoangaia botannaomata ake a tiku ni maiu.

Tekaria 2:6

E taku te UEA nakoia ana aomata, “Biiri! Biri nako man te aba are i meaang, ike I kamaaenakoingkami iai nakon taian ang ake aua.

Te Tua-Kaua 16:18

Ngkana kam a tia n tekateka raoi n ami kaawa ake kam karekei mairoun te UEA ae Atuami, ao a na rinei aia taani moti ma aia aobitia kaawa n tatabeua nako. Ao ngkami akana kam riki b'a taani moti kam na riai ni babaire raoi ngkana kam kanakoa ami moti, e ngae ngkana te aomata ae kakannato. A na aki mara atomi iroun temanna n te aro are kam na anga te moti ae bure. Te kamaraato e karekea te matakii irouia aika wanawana man nooran te koaua ao e bitiia aomata aika raoiroi b'a taani kewe.

Te Tua-Kaua 17:5

Ma kam na riai ni karekeia taani kakoaua aika uoman nakon te teniman, b'a e aki tau te tia kakoaua ae ti temanna ni kakoauaa buren te tia bukinaki. Kam na iangoi aroia aomata aika karaoi aekaki ni bure aikai ni kamaunaia. Kairiia nako mataroan ami kaawa ao tuangiia aomata ni kabane b'a a na karebanaia ni karokoa mateia. Ma a na moani kare aomata ake taani kakoaua.

Te Tua-Kaua 21:19

Ngkana anne aron te nati te m'aane, ao a na katikitikia ana karo nakon mataroan te kaawa, ike a kakaraoa iai aia bowi taani kairiiri.

Te Tua-Kaua 25:7

Ma ngkana tao arona b'a e a manga rawa tarin teuare mate ni iein ma te aine anne, ao e na nako neienne nako mataroan te kaawa are aia tabo ni kabowi taani kairiri ao e na kaangai, E mate buu, ao akea natina te m'aane are na manga kamaiua arana. Ao e rawa naba tarin buu ni iein ma ngai, ao e aki kona ni manga reke natiu te m'aane.

Iotua 20:4

E na kona ni birinako ni karabaa n teuana mai i buakon kaawa ni kamauri akanne, ao e na kab'arab'ara nakoia unim'aanen te kaawa anne te b'ai are e riki, ao a na karinna n te kaawa ni katikua ni kamaekaa moa ikanne.

Ruuta 3:12

E boni koaua b'a te koraki ni kaan ngai nakoni buum are mate, ao I riai ni kaawakiniko, ma bon iai riki te koraki ae kaan riki nako iu.

Ruuta 3:18

Ao e taku Naomi nakoina; “Ko na karauko, tataningaa mwin te baerei: b'a ane e na aki rau Boaati ni karokoa katiaan te baerei n te bong naba aei.”