Ruuta 3:9 - Te B'aib'ara

⁹ E taku Teuarei nakoina, “Antai ngkoe?” E kaeka Ruuta, “Bon Ruuta ngai ae am toro; ngkai bon te koraki ni kaan ngkoe, ao ko bon riai ni kaawakinai. Ma ngaia are, I butiiko b'a ko na kawakinai.”

Ruuta 3:9 ပူးပေါင်းရင်းမြစ်များ

Etekiera 16:8

Ngke I a manga nooriko riki, ao ko a bon tau nakon te iein. Ma ngaia are, I a rabuniko n niiniirau. Ao i mwiin anne, I karaoa au berita ae e matoa b'a bon au b'ai ngkoe ao Ngai ae te UEA ae te Atua N na kaawakiniko.

Ruka 14:11

B'a ane kakannatoa i bon i rouna, ao e na kamangoraki; ao ane kamangoria i bon i rouna, ao e na kakannatoaki.

Ruuta 2:20

E taku Naomi, “Ke e kakab'aiaki Boaati iroun te UEA, b'a E bon ataataiaomata te UEA nakoia aika a maiu, ao nakoia naba aika a tia ni mate.” E taku riki Naomi nakon Ruuta, “Bon ara koraki ni kaan te aomata anne, temanna ngaia ae e riai ni kawakiniira.”

Ruuta 3:10

Ao e taku teuarei, “E na kakab'aiako te Atua, b'a ko kaota te ataataiaomata ae e m'aiti riki ni baika ko karaoi ngkai nakon are rimoa, nakon tinan buum. Ko na riai n tia ni kakaea te rorobuaka n ataei, tao te kaub'ai, ke tao te aki kaub'ai, ma ko aki karaoa anne.

Ruuta 3:12

E boni koaua b'a te koraki ni kaan ngai nakoni buum are mate, ao I riai ni kaawakiniko, ma bon iai riki te koraki ae kaan riki nako iu.

Ruuta 3:8

Ngke e a nukanibong ao e a kuba n uti man rairaki, ao e mimi ngke e a nora te ateiaine i bukin waena.

Ruuta 4:4

ao I taku b'a ko ataa taekana. Ma ngaia are, ngkai, ngkana ko tangiria, ao ko na kabooa i mataia koraki aika a tekateka aikai. Ao ngkana ko aki tangiria, ao ko na tuangai, b'a boni ngkoe ae ko riai moa ni kabooa, ao ngai i mwina.” Ao e taku teuarei, “N na kabooa.”

Ruuta 4:6

Ao e kaeka te koraki ni kaan arei ni kaangai, “Ngkana arona anne, ao I a aki kani kabooa b'a ngaia a na aki b'aib'ai natiu iai: Ko a kabooa: I aki kani kabooa.”

1.Tamuera 25:41

Ao e bobaraaki Nei Abikaira nako aontano ao e taku, “Bon ana toro ngai ae I tauraoi n teboki waeia ana toro nako.”