Ruuta 3:13 - Te B'aib'ara

¹³ Ko na tiku ikai ni kangainaa, ao ti na noria ningabong b'a ngkana e kani kawakiniko, ao e rangi n raoiroi, ma ngkana e aki, ao I tuea i matan te UEA b'a N na kawakiniko, wene ni kangainaa ikai.”

Ruuta 3:13 ပူးပေါင်းရင်းမြစ်များ

Ieremia 12:16

A reireiniia au aomata ngkoa aron taromaurian B'aara. Ma ngkana a kakoaua b'a bon te Atua ni koaua Ngai, ao ngkana a kariaia au aomata b'a a na reireinaki irouia aron taromauriau, ao a na manga riki botannaomata aikai b'a Au aomata.

Ieremia 4:2

Kam na karaoa te berita ti n arau, ao karaoa nanon are kam berita iai! Ao ane a na bane iai botannaomata n neboai, ao N na kakab'aiaia.

2.I-Korinto 1:23

I atonga te Atua b'a au Tia Kakoaua are na karekea kaiu ngkana I kewe; b'a I aki roko i Korinto i bukina b'a I aki kani karawawataingkami.

Ebera 6:16

B'a ngkana a taetae n tuea aomata ao a kabonganai araia ake a kakannato riki nako ia; b'a te taeka ni berita boni ngaia ae katoki kauntaeka ni bane.

Tani Motiki-taeka 8:19

Ao e taku Kiteon, Bon tariu ni kaan aomata aikanne. I berita n aran te UEA ae maiu b'a ngke arona b'a kam kamaiuia, ao N na boni kamaiungkami naba.

Ruuta 2:20

E taku Naomi, “Ke e kakab'aiaki Boaati iroun te UEA, b'a E bon ataataiaomata te UEA nakoia aika a maiu, ao nakoia naba aika a tia ni mate.” E taku riki Naomi nakon Ruuta, “Bon ara koraki ni kaan te aomata anne, temanna ngaia ae e riai ni kawakiniira.”

Ruuta 3:12

E boni koaua b'a te koraki ni kaan ngai nakoni buum are mate, ao I riai ni kaawakiniko, ma bon iai riki te koraki ae kaan riki nako iu.

Ruuta 4:5

Ao e taku Boaati, “E rangi n tamaroa, ma ngkana ko kabooa te tawaana mairoun Naomi, ao ko na kabooa naba Ruuta are kaain Moaaba, are e a tia ni mate buuna b'a e aonga n tiku te tawaana i nanon ana utu teuare e mate.”

Ruuta 4:6

Ao e kaeka te koraki ni kaan arei ni kaangai, “Ngkana arona anne, ao I a aki kani kabooa b'a ngaia a na aki b'aib'ai natiu iai: Ko a kabooa: I aki kani kabooa.”