Ruuta 3:10 - Te B'aib'ara

¹⁰ Ao e taku teuarei, “E na kakab'aiako te Atua, b'a ko kaota te ataataiaomata ae e m'aiti riki ni baika ko karaoi ngkai nakon are rimoa, nakon tinan buum. Ko na riai n tia ni kakaea te rorobuaka n ataei, tao te kaub'ai, ke tao te aki kaub'ai, ma ko aki karaoa anne.

Ruuta 3:10 ပူးပေါင်းရင်းမြစ်များ

Karikani B'aai 24:31

ao e taku, “Nako mai, irai nakon te auti. Bon ngkoe te aomata ae kakab'aiaki iroun te UEA. E aera ngkai ko a teitei i tinaniku ikai? E rangi m'aawa au auti, ao iai naba nneia am kamero.”

Ruuta 1:8

e taku Naomi nakoia, “Kam na okira mwengami, ao tiiku irouia tinami. E na akoingkami te UEA, n ai aromi ngkai kam a tia n akoai ma ake a tia naba ni mate.

Ruuta 2:11

E taku Boaati, “B'a I kaongoaki irouia aomata b'aai ni kabane ake ko a tia ni karaoi nakon tinan buum, man te tai are e mate iai buum: arom ngke ko kitana tamam, tinam, oin abam, ma n roko ni maeka i buakoia te botannaomata ae ko aki ataia ma ngkoa.

Ruuta 2:20

E taku Naomi, “Ke e kakab'aiaki Boaati iroun te UEA, b'a E bon ataataiaomata te UEA nakoia aika a maiu, ao nakoia naba aika a tia ni mate.” E taku riki Naomi nakon Ruuta, “Bon ara koraki ni kaan te aomata anne, temanna ngaia ae e riai ni kawakiniira.”

Ruuta 2:4

I mwin te tai ae e aki maan, ao e a roko Boaati mai Betereem, ao e kamauria taani m'akuri ao e taku, “E na mena te UEA iroumi.” Ao ngaiia a kaeka ni kaangai, “E na kakab'aiako te UEA.”

Ruuta 3:9

E taku Teuarei nakoina, “Antai ngkoe?” E kaeka Ruuta, “Bon Ruuta ngai ae am toro; ngkai bon te koraki ni kaan ngkoe, ao ko bon riai ni kaawakinai. Ma ngaia are, I butiiko b'a ko na kawakinai.”

1.Tamuera 15:13

Ao e reke Tauro iroun Tamuera, ao e taku Tauro nako ina, “Bon au kantaninga b'a E na kakab'aiako te UEA! I a tia ni karaoa te b'ai are tuangai te UEA.”