Ruuta 3:1 - Te B'aib'ara

¹ I mwin te tai ae aki maan, ao e taku Naomi nakon Ruuta, “Natiu N na karekea buum b'a ko aonga n tekateka raoi.

Ruuta 3:1 ပူးပေါင်းရင်းမြစ်များ

Karikani B'aai 40:14

Ma I butiiko b'a ko a uringai ngkana a bane n nako raoi b'aai ni kabane i bukim. Ko a taiaoka n tataekinai nakon te uea ma ni buokai ni kaotinakoai man te karabuuti aei.

Taian Areru 128:2

Ane ko na kana uaani mwin am M'akuri; ko na kukurei ma n tetekeraoi.

1.I-Korinto 7:36

Ma ngkana e taku temanna i nanona b'a e aki kona n taona nanona i bukin nanona ae korakora ni kani botaki ma ana kabae, ao e a taku b'a a bon riai ni mareaki, ao ke e karaoa ane tangiria; e aki bure iai; ke a mareaki.

Te Tua-Kaua 4:40

I kab'arab'arai ana Tua ma ana Reirei. Ao ngkana kam ongotaeka nako iai, ao a na ab'ab'aki maiuia kanoami, ao a na teimatoa ni maekana te aba are anganingkami te UEA.

1.Timoteo 5:14

Ma ngaia ae I tangiriia riki ateiaine aika a mate buia b'a a na iein, a na karikiia natiia, a na tararuaia aia utu, ao a na aki karekea te anga are e na kabuakakaira iai te kairiribai;

1.Timoteo 5:8

Ma ngkana e aki karekei baika riai te aomata i bukiia ana koraki, ao ai moa ra riki i bukin oin ana utu, ao kaotana b'a e a kaaki taekan te onimaki, ao e a buakaka riki nakon are tiaki te tia onimaki.

Ruuta 1:9

E bia anganingkami te UEA te kona ni manga karekeia buumi b'a kam aonga n tekateka raoi.” Ao e kaboria Naomi ni kabo ma ngaiia, ao ngaiia a uaia n tang,

Ruuta 2:23

Ma ngaia are, e teimatoa Ruuta ni karemrem i rarikiia ana ateiaine Boaati ni karokoa tokin tain te b'aare ma te uita, ao e teimatoa Ruuta ni mamaeka iroun Naomi.

Ruuta 3:2

Ko uringnga b'a bon ara koraki ni kaan teuare Boaati are ko m'am'akuri ngkoa ma ana ateiaine. Noria, ane e nang kaaki kun ni b'aare nakon te tairiki aei.