Ruuta 2:22 - Te B'aib'ara

²² E taku Naomi nakon Ruuta, “Eng, natiu, e riai b'a ko na karemrem i rarikiia ateiainen ana tawaana Boaati, b'a rimwi ao ko na tabareaki ngkana ko nako n tawaana tabeua.”

Ruuta 2:22 ပူးပေါင်းရင်းမြစ်များ

Taeka n Rabakau 27:10

Tai kiitana te aomata ae e a kara ae raoraoia ngkoa am utu ke ni kawariia am koraki n tain rekem n te kangaanga. E raoiroi raoraom ae ko kaan ma ngaia nakoia am koraki aika a raroa nako.

Ana Anene Toromon 1:8

Neie ko rangi n tangiraki, ngkana ko aki ataia, ao ko na ira kawaia tiibu. Ao kaam'arakeia am kooti ataei i rarikin aia autinrianna taani kaawakintiibu.

Mareko 14:66

Ngke e tiku i nano Betero n te tabo are otab'aniniaki n auti, are te tabo are akea rabunan aona, ao e roko te ataeinaine ae te tia m'akuri iroun mataniwiia ibonga;

Ruuta 2:21

Ao e taku Ruuta, “Ao i rarikin anne, ao e tuangai naba b'a N na karemrem i rarikiia ana taan tai ni karokoa tokin te tai n tai.”

Ruuta 2:23

Ma ngaia are, e teimatoa Ruuta ni karemrem i rarikiia ana ateiaine Boaati ni karokoa tokin tain te b'aare ma te uita, ao e teimatoa Ruuta ni mamaeka iroun Naomi.