Ruuta 2:20 - Te B'aib'ara

²⁰ E taku Naomi, “Ke e kakab'aiaki Boaati iroun te UEA, b'a E bon ataataiaomata te UEA nakoia aika a maiu, ao nakoia naba aika a tia ni mate.” E taku riki Naomi nakon Ruuta, “Bon ara koraki ni kaan te aomata anne, temanna ngaia ae e riai ni kawakiniira.”

Ruuta 2:20 ပူးပေါင်းရင်းမြစ်များ

2.Tamuera 2:5

Ao e kanakoa te tia uarongorongo Tawita b'a e na tuangiia ni kaangai: E na kakab'aiaingkami te UEA! Kam rangi ni karaoa ae e raoiroi ngkai kam tauna rab'atan Tauro ae ami tia tautaeka,

2.Tamuera 9:1

N te bong teuana, e iango Tawita ao e taku, “N na rangini miimi ngkana iai ana utu Tauro aika teimatoa ni maiu. Ngkana iai, ao N na bon kaota akoaia, b'a I a tia ni karaoa au berita nakon Ionatan.”

Iobi 19:25

Ma I ataia b'a n tokin aei, ao iai temanna ae na roko mai karawa n tei i buku.

Taeka n Rabakau 17:17

A aki toki ni kaoti aia tangira rao, ao a bungiaki ara koraki i bukin buokan ara kangaanga nako.

Nakoaia Ibonga 25:25

Ngkana iai i buakomi Iteraera ae e maiu ni kainano ae e kairoroaki b'a e na kabooa nako abana, am koraki ni kaan ae na kabooa ni kaokia,

I-Biribi 4:10

E bati kim'areireiu ngkai I reitaki ma te UEA b'a i mwin te tai ae maan, ao e a manga uti ami iango i buku; are bon iai ngkoa i nanomi, ma e aki reke taina n oti.

Ruuta 2:21

Ao e taku Ruuta, “Ao i rarikin anne, ao e tuangai naba b'a N na karemrem i rarikiia ana taan tai ni karokoa tokin te tai n tai.”

Ruuta 3:12

E boni koaua b'a te koraki ni kaan ngai nakoni buum are mate, ao I riai ni kaawakiniko, ma bon iai riki te koraki ae kaan riki nako iu.

Ruuta 4:14

Ao a taku aine akekei nakon Naomi, “Neboa te Atua, b'a E a tia n anganiko tibum te m'aane are e na kawakiniko. Ke e riki te ataeinim'aane aei b'a te aomata ae kakannato i aon Iteraera.

Ruuta 4:4

ao I taku b'a ko ataa taekana. Ma ngaia are, ngkai, ngkana ko tangiria, ao ko na kabooa i mataia koraki aika a tekateka aikai. Ao ngkana ko aki tangiria, ao ko na tuangai, b'a boni ngkoe ae ko riai moa ni kabooa, ao ngai i mwina.” Ao e taku teuarei, “N na kabooa.”

Ruuta 4:6

Ao e kaeka te koraki ni kaan arei ni kaangai, “Ngkana arona anne, ao I a aki kani kabooa b'a ngaia a na aki b'aib'ai natiu iai: Ko a kabooa: I aki kani kabooa.”