Ruuta 2:2 - Te B'aib'ara

² N te bong teuana, ao e taku Ruuta nakon Naomi, “N na nako n te tawaana ni b'aare ni karemrem nikiran ake a tia n rikoi taan tai. E na bon nanoangaai temanna ni kariaia b'a N na karemrem.” E taku Naomi, “Naako natiu.”

Ruuta 2:2 ပူးပေါင်းရင်းမြစ်များ

Karikani B'aai 32:6

Ao ngke e a oki ana toro Iakob'a, ao e taku, “Ti kawara tarim are Etau, ao bon ae i aon kawaina ni kawariko. Ao bon iai abubua rorobuaka aika raonna.”

Nakoaia Ibonga 19:10

Tai taeki baan arokami kureebe ni kaitiaki ke ni booti uaana akana a b'aka. Katikui i bukiia akana a aki kaub'ai ma iruwa akana a maeka i buakomi. Bon te UEA Ngai ae Atuami.

Nakoaia Ibonga 19:16

Tai riki b'a te tia wiwinanti, ao tai tatab'ara n taetae n te kabowi, ti ngkana e na boni maiu temanna n am kaotioti.

Nakoaia Ibonga 19:9

Ngkana kam taii ami uaanikai aika a uangingi, ao n taai nako katikui ao katei tabeua i mataniwiin nako ami nne n aroka, ao tai anai uaa akana a b'aka mai iai nako aontano.

Nakoaia Ibonga 23:22

Ngkana kam taii ami uaa ake a uangingi, katei tabeua n taai nako i rarikin nako ami tawaana ao tai anai akana a b'aka nako aontano. Katikui nakoia ake a kainano ma iruwa akana a maeka i buakomi. Bon te UEA Ngai ae Atuami.

Ruuta 2:3

Ma ngaia are, e a nakon te tawaana Ruuta ni karemrem iai i mwiia taan tai. Bon te kab'aia nakoina b'a ngaia e karemrem n ana tawaana Boaati are bon ana koraki Erimereka.

Ruuta 2:7

Ao e butiai b'a e na karemrem i mwiia taan tai. E m'akuri ma ngke e ingabong ni karokoa ngkai, ao e a tib'a motirawa ma ni katanna man te riringa.”

1.Tamuera 1:18

Ao e taku neierei, “Teuaei, ko bati n rab'a n nanoangakiu iroum.” Ao i mwiina e nako, ao i mwiin am'arakena teutana, ao e namakina te marurung ae tau.