Ruuta 2:14 - Te B'aib'ara

¹⁴ Ngke e a bo tain te am'arake, ao e taku Boaati nakon Ruuta, “Nakomai katoonga te kariki, ao kateboa kanam n te beneka. Ma ngaia are, e a nako n tekateka Ruuta i rarikiia taan tai, ao Boaati e anganna naba uaanikai aika a uarereke aika a tinimaki. Ao e am'arake Ruuta ni karokoa e boni ngae raoi, ao e aki bane kanana.

Ruuta 2:14 ပူးပေါင်းရင်းမြစ်များ

2.Tamuera 17:28

Ao aikai m'aitin b'aai ake a uoti:

Taian Areru 23:5

Ko katauraoa te baka ae ab'ab'aki ibuku ike a na norai iai taan ribaai. Ko butim'aeai b'a kanga te iruwa ngai ao ko kaona au m'angko ni karokoa e taonako.

Itaia 32:8

Ma aomata aika a i buobuoki a konaa n onimakinaki n taai nako i bukin karaoan babaaire ni buobuoki.

Itaia 58:7

Tib'aa kanami nakoia aomata nako aika a bora ni baki; Tib'aa ami auti ma te aomata ae e maiu ni kainano, ao ae akea ana auti; Anga te kunnikai nakoia akana a kananoanga; kam na aki tannako mairouia ami koraki nako.

Mataio 14:20

Ao a bane n am'arake ao a ngae. A rikoi am'arake ana reirei ao a on iai tengauni ma uakora te b'aene.

Te Tua-Kaua 8:10

Ngkana kam a tibutaua n am'arake, ao kam na neboa te UEA ae Atuami b'a E anganingkami te aba ae raoiroi.

Ruuta 2:13

E kaeka Ruuta ni kaangai, “Teuae Ko karineaki irou, ko rangi n akoai, ao ko kabebetea nanou n am taeka aika a raraoi, e ngae ngke I aki boraoi ma am tia m'akuri te aine temanna.”

Ruuta 2:15

Ao ngke e a teirake ni karemrem neierei, ao e tuangiia ana taan tai Boaati ni kaangai, “Ke e karemrem i buakon b'ab'ati ni b'aare, ao tai tukia, kam na buuti naba tabeua b'ab'ati ni b'aare b'a e na rikorikoi ana b'ai.”

Ruuta 2:18

Ao e uota ana b'aare nakon te kaawa, ao e noora m'aitin are e a tia ni karemm'a neiere tinan buuna. Ao e anganna naba nikiran kanana.

1.Tamuera 17:17

Ao n te bong teuana, ao e taku Iete nakon Tawita, “Kawaekoako n uotaanako te baeki n uita ae tinimaki aei ao taian kariki aika tebwina aikai nakoia tarim ake n aia kaemb'a n te taanga ni buaka.

1.Tamuera 25:18

Ao e kawaekoaa Nei Abikaira ni karekei taiani kariki aika 200 m'aitina, uoua te baeki n ran aika kunin te man ae a onrake n te wain, niiman tiibu aika umunaki, 17 te kirokuraem te uita ae e tinimaki, 100 amwiin te kureebe ae a m'au, ao 200 te amwi ni biiku aika a m'au, ao e katokai i aon te aati.