Ruuta 2:12 - Te B'aib'ara

¹² Ke E anganiko boom ae kororaoi te UEA, ae Atuaia Iteraera, i bukin am m'akuri ae ko a tia ni karaoi, b'a ko a roko i nanon ana Kakaawakin.”

Ruuta 2:12 ပူးပေါင်းရင်းမြစ်များ

Taian Areru 17:8

Kawakinai n ai aroni kawakinan ataeini matam; karabaai i aan nuuni baim ni kiba.

Taian Areru 19:11

A karekea te atatai nako iu, ngai ae am Toro; ao e reke kab'aiau n iran nanoia.

Taian Areru 36:7

Te Atua, ai kakawakira am Tangira ae Teimatoa! A bane aomata ni kataniia iroum, i aan nuuni baim ni kiba.

Taian Areru 57:1

Ko na nanoangaai, te Atua, Ko na nanoangaai, B'a boni Ngkoe reken rauni maiu. Ko kamanoai i aan nuuni baim ni kiba ni karokoa e toki karen angibuakan te maiu.

Taian Areru 58:11

Ane a na kaangai iai aomata, “Iai booni mwin aia m'akuri aomata akana raoiroi ae e na reke i rouia; bon iai te Atua ae te tia motika taekan aon te aba.”

Taian Areru 61:4

Ko na kamaekaai i nanon am Tembora ni kabanea bongini maiu; Ko na kamanoai raoi i aan nun baim ni kiba.

Taian Areru 63:7

i bukina ngkai Ko aki toki ni buobuokai. I anene ni kim'areirei i aan nuuni baim ni kiba.

Taian Areru 91:4

E na rabuniko ni baina kanga ai aron te mannikiba ni kawakinia bunna i aani baina; E kakaonimaki te Atua ni kawakiniko ao ni kamanoko.

Taeka n Rabakau 11:18

E uotiko te buakaka n taabo nako te tei ni baba, ma e kaniwanganaki te raoiroi.

Taeka n Rabakau 23:18

Ao ane e na reke iroumi te kaantaninga ni koaua i bukin boong aika a na roko.

Ieremia 31:16

Katoka tangim ao kaoi rannimatam. A na bane ni kabooaki mwiin b'aai ni kabane ake ko a tia ni karaoi i bukiia natim; ane a na oki man abaia kairiribai.

Mataio 23:37

Ierutarem, Ierutarem, ae ko kamamateia burabeti, ae ko karebanaia ake a kanakomaiakaki nako im, ai bati ra au kani bobotiia am aomata, n ai aron te moa aine ngkana e botiia bunna i aani baina, ma kam rawa!

Mataio 5:12

B'a a b'ainikiriniia burabeti ake a maiu i m'aimi n te aro naba aei. Kam na kukurei, ao kim'areirei, b'a a bati b'aai n tituaraoi ae E katauraoi te Atua i bukimi.

Mataio 6:1

Kam na tarataraingkami b'a kam na aki karaoi b'aai ake a kaeti ma b'ain te onimaki i mataia aomata ni kan noraki i rouia; b'a ngkana aromi anne, ao a na akea te b'ai n tituaraoi ae kam na anganaki mairoun Tamami are i karawa.

Ruka 6:35

Ma kam na tangiriia ami kairiribai, ao karaoa ae raoiroi nako ia, ao aanga n aki manga kaantaninga booni mwiina b'a e na okiringkami; ane e na bati te kab'aia ane na reke i roumi iai, ao ane kam na riki b'a natin Teuare Moan te Rietaata; b'a E akoi te Atua nakoia akana bangaomata ao akana iangoia i bon i rouia.

I-Korote 2:18

Kam na tai kariaia b'a e na baireaki taekami b'a kam aki tau iroun temanna are taku b'a e kakannato riki, i bukina b'a e a tia n nori baika kanga taiani mii, ao are e imanonoa b'ainakin te baka n nanorinano ma taromauriaia anera. Akea manenani kainikatongana i bukina b'a e b'aina te nano n aon te aba,

2.Timoteo 1:18

E na reke i rouna nanoangakina iroun te Uea n te bong arei! Ao ko bon atai arona ni kabane ake e karaoi i buku i Ebeto.

2.Timoteo 4:8

Ao iai ngkai te kaniwanga i bukini karaoan nanon te Atua are e kawakinaki i buku, are te kaniwanga n tokanikai are E na anganai te Uea ae te Tia Motiki-taeka ae b'ab'aina te eti; ao tiaki ti ngai n anganaki, ma a na anganaki naba aomata ni kabaneia aika tangira kaotina.

Ebera 11:26

E taku i nanona b'a te b'ai ae kakawaki riki te taetaebuakaki i bukin te Mesia nakoni kaub'ain Aikubita aika bati: b'a e tabe n iaiangoa te kaniwanga are e na anganaki n te tai ae na roko.

Ebera 11:6

Ma ngkana akea te onimaki ao e aki kona te aomata ni kakukureia te Atua; b'a e bon riai iroun te aomata ane nako n te Atua ni kakoaua b'a bon iai te Atua ao boni Ngaia te tia karekea kaniwangaia te koraki aika kakorakoraia n ukoukoria.

Ebera 6:10

B'a E aki ribuaka te Atua ni m'anuoki taekan ami m'akuri ake kam karaoi i bukina, ma ami tangira are kam kaotia i bukina, ngke kam a tia n anga ami buobuoki, ao ae kam bon teimatoa naba iai i bukiia ake a itiaki.

Ruuta 1:16

Ma e kaeka Ruuta; “Ko na tai butiai b'a N na kitaniko. N na iriko nako: b'a ike ko nako iai, ao N na nako iai; Ike ko maeka iai, ao N na maeka iai; am koraki au koraki; ao Atuam Atuau:

Ruuta 2:11

E taku Boaati, “B'a I kaongoaki irouia aomata b'aai ni kabane ake ko a tia ni karaoi nakon tinan buum, man te tai are e mate iai buum: arom ngke ko kitana tamam, tinam, oin abam, ma n roko ni maeka i buakoia te botannaomata ae ko aki ataia ma ngkoa.

Ruuta 2:13

E kaeka Ruuta ni kaangai, “Teuae Ko karineaki irou, ko rangi n akoai, ao ko kabebetea nanou n am taeka aika a raraoi, e ngae ngke I aki boraoi ma am tia m'akuri te aine temanna.”

Ruuta 4:15

E bon tangiriko natim, e a tia ni karaoa ae korakora riki nakoia itiman naati m'aane, ao ngkai, e a tia ni bungia tibum are e na anganiko te maiu ae boou, ao e na kawakiniko ngkana ko a kara.”

1.Tamuera 24:19

Bon akea te aomata ae e a tia n reke ana kairiribai i nanon baina ao e a manga kanakoa ma te rau. E na kakab'aiako te UEA n te b'ai ae ko a tia ni karaoia nako iu n te bong aei!

1.Tamuera 24:20

Ngkai I bon ataia b'a ko na uea i aon Iteraera ao e na reitinako te abanuea anne i aan am tautaeka.