Ruuta 2:11 - Te B'aib'ara

¹¹ E taku Boaati, “B'a I kaongoaki irouia aomata b'aai ni kabane ake ko a tia ni karaoi nakon tinan buum, man te tai are e mate iai buum: arom ngke ko kitana tamam, tinam, oin abam, ma n roko ni maeka i buakoia te botannaomata ae ko aki ataia ma ngkoa.

Ruuta 2:11 ပူးပေါင်းရင်းမြစ်များ

2.Tamuera 21:11

A tiringa Tauro kaain Biritia ngkoa ma natina are Ionatan n te Maunga are Kireboa ao a kabaei roroaia i nuukan te kaawa are Beta Tian.

Taian Areru 45:10

Ngkoe ae buun te uea, ongora n te b'ai ae N na taekinna: M'aninga taekaia am botannaomata ma am utu.

Ruka 14:33

Ma ngaia are ngkana iai i buakomi ae aki kitan ana b'ai ni kabane, ao e aki kona n riki b'a au reirei.

Ruka 5:11

Ao ngke a tia ni kaaerakei aia booti nako aon te aba, ao a kitan aia b'ai nako ao a ira Iesu.

Ruka 5:23

e nga ae bebete riki, atongan ae kangai, A kab'araaki am bure? Ke ae kangai, Tei rake ao nakonako?

Ruuta 1:11

E taku Naomi, “Kam na oki: bukin tera ngkai kam na irai? Iai riki natiu m'aane i birotou ae a na buningkami? Kam na okirii mwengami. Kam taku b'a a na manga reke riki natiu m'aane b'a buumi?

Ruuta 2:10

Ao e bobaraaki Ruuta ni kabo matana ma aontano, ao e taku nakon Boaati, “Bukin tera ngkai ko nanoangaai? Bukin tera ngkai ko akoa te ianena?”

Ruuta 2:12

Ke E anganiko boom ae kororaoi te UEA, ae Atuaia Iteraera, i bukin am m'akuri ae ko a tia ni karaoi, b'a ko a roko i nanon ana Kakaawakin.”

Ruuta 3:10

Ao e taku teuarei, “E na kakab'aiako te Atua, b'a ko kaota te ataataiaomata ae e m'aiti riki ni baika ko karaoi ngkai nakon are rimoa, nakon tinan buum. Ko na riai n tia ni kakaea te rorobuaka n ataei, tao te kaub'ai, ke tao te aki kaub'ai, ma ko aki karaoa anne.

Ruuta 4:15

E bon tangiriko natim, e a tia ni karaoa ae korakora riki nakoia itiman naati m'aane, ao ngkai, e a tia ni bungia tibum are e na anganiko te maiu ae boou, ao e na kawakiniko ngkana ko a kara.”