Ruuta 1:17 - Te B'aib'ara

¹⁷ ike ko mate iai N na mate naba iai, ao I a taunaki naba iai. Ao ke E kamatoa aei te UEA: b'a ti te mate ae na karaureira.”

Ruuta 1:17 ပူးပေါင်းရင်းမြစ်များ

2.Tamuera 15:21

Ao e kaeka Itai ni kaangai, “Te Uea ae ko karineaki, I tuea n aran te UEA ae e maiu, b'a N iriko n taabo nako ike ko nako iai, e ngae ngkana tao tera ae e na riki nako iu iai.

2.Tamuera 19:13

Ao tuanga Amatia ni kaangai, “Bon ai natiu ngkoe, ao E na riki te Atua b'a te tia kakoaua b'a I tuea b'a N na karikiko b'a au kam'aanta n onea mwiin Ioaba.”

2.Tamuera 3:35

Ao i mwiina, a uota te am'arake teutana nakon Tawita ao a tuangnga b'a e na reke raun nanona ngkana e am'arake teutana. E tuai ni bong, ao e taku Tawita, “I tuea nakon te Atua b'a N na bon aki tenaa naba teutana te kariki ke te b'ai teuana i m'aain bungin taai!”

2.Tamuera 3:9

I buubutiia te Atua b'a e na buokai ngkana I aki buoka Tawita n anganna te b'ai ae E berita iai te UEA nakoina!

1.Uea 13:31

Ao e taku nakoia ake bon natina m'aane, Ngkana I mate, ao kam na tauna rab'atau i rarikin te burabeti aei.

1.Uea 19:2

Ao e kanakoa te reta neierei nakon Eria ae e kaangai, “Ko tiringiia au burabeti. Ao ngkai N nang manga tiringko. Bon au tataro b'a a na katuaaeai anti n te aro ae e rangi ni korakora ngkana I aki tiringko n taina naba aei nakon te ingabong.

1.Uea 2:23

I tuea n aran te UEA b'a e na tiringaki Atoniia i bukina ngkai e buubutii n aron aei. Ao ngkana e aki tiringaki, ao I tataro b'a E na katuaaeai te Atua.

1.Uea 20:10

ao e taku, “N na boni kamaunaa Taamaria ni kabane. E na bon akea nikirana naba teutana are e na konaa n uotaki rikaaki i nanon baiia tautia. Ngkana I aki karaoa aei, ao I tataro b'a e na karekea kaiu te anti n te aro ae moan te kamaamate.”

2.Uea 6:31

Ao e taku, “I tataro b'a E na katuaaeai te UEA n te aro ae moan te korakora ngkana e bon tiku naba atuun Eritai i aon roroana nakon te ingabong.”

Taian Areru 45:10

Ngkoe ae buun te uea, ongora n te b'ai ae N na taekinna: M'aninga taekaia am botannaomata ma am utu.

M'akuri 11:23

Ngke e roko ao e nora aron ana akoi te Atua nakoia, ao e kim'areirei; ao e kaungai nanoia ni kabane b'a a na nim ma te UEA ma nanoia ni koaua.

M'akuri 20:24

Ma I kakeaa kakawakini maiu nako iu, b'a I aonga ni katia te baere I waaki iai, ma nakoau are E anganai te UEA are Iesu, are te tataekina te euangkerio are taekan ana akoi te Atua.

Ruuta 1:16

Ma e kaeka Ruuta; “Ko na tai butiai b'a N na kitaniko. N na iriko nako: b'a ike ko nako iai, ao N na nako iai; Ike ko maeka iai, ao N na maeka iai; am koraki au koraki; ao Atuam Atuau:

Ruuta 4:15

E bon tangiriko natim, e a tia ni karaoa ae korakora riki nakoia itiman naati m'aane, ao ngkai, e a tia ni bungia tibum are e na anganiko te maiu ae boou, ao e na kawakiniko ngkana ko a kara.”

1.Tamuera 14:44

“Eng Ionatan, I tuea nakon te Atua b'a ko riai ni mate.”

1.Tamuera 20:13

Ma ngkana iai ana iango n tiringko, e na oreai te UEA ni kamateai ngkana I aki kaongoko taekana ma ni kabiri nakoko n rawea maium. E na meemena te UEA iroum n aron ngkoa memenana iroun tamau!

1.Tamuera 25:22

Tera ngkana e oreai n tiringai te Atua ngkana I aki tiringiia ni kabane aomata aikai nakon te ingabong!”

1.Tamuera 3:17

Ao e taku Eri, “Tera ae taekinna te UEA nako im? Tuangai b'aai ni kabane. N na butiia te Atua b'a E na katuaaeko n te aro ae moan te kangaanga ngkana ko aki tuangai Ana taeka ni kabane ake taekin!”