Ruuta 1:16 - Te B'aib'ara

¹⁶ Ma e kaeka Ruuta; “Ko na tai butiai b'a N na kitaniko. N na iriko nako: b'a ike ko nako iai, ao N na nako iai; Ike ko maeka iai, ao N na maeka iai; am koraki au koraki; ao Atuam Atuau:

Ruuta 1:16 ပူးပေါင်းရင်းမြစ်များ

2.Tamuera 15:21

Ao e kaeka Itai ni kaangai, “Te Uea ae ko karineaki, I tuea n aran te UEA ae e maiu, b'a N iriko n taabo nako ike ko nako iai, e ngae ngkana tao tera ae e na riki nako iu iai.

Taian Areru 45:10

Ngkoe ae buun te uea, ongora n te b'ai ae N na taekinna: M'aninga taekaia am botannaomata ma am utu.

Taeka n Rabakau 17:17

A aki toki ni kaoti aia tangira rao, ao a bungiaki ara koraki i bukin buokan ara kangaanga nako.

Itaia 14:1

E na nanoangaea Iteraera te UEA ao e na manga karikiia b'a ana aomata aika a rineaki. E na kaokiia nakon abaia, ao a na iraki irouia ianena b'a a na riki b'a Iteraera naba.

Taniera 2:47

E taku te uea, “Bon te kabanea ni korakora Atuam i aoia atua ni kabane, ao te UEA i aoia uea, ao boni Ngaia ae E kaoti taiani kaotioti. I ataa aei i bukina ngke ko kona ni kab'ara nanon te kaotioti aei.”

Taniera 3:29

Ma ngaia are, I aki manga kariaia te botannaomata, ke te reeti, ke te taetae teuana b'a e na taetae n aki akaaka nakon Atuaia Tiateraka, Metiaka ao Abeteneko. Akana a karaoa anne, a na korokoreaki rab'ataia ni kauarerekeaki, ao a na uruakaki aia auti. Bon akea te Atua riki temanna ae e kona ni kakamaiu n aron aei.”

Taniera 4:37

Ma ngaia are ngkai, I neboa Ueani karawa ngai ae Nebukaneta, ao ni karinea ma ni kamoamoa ueani karawa. A bane ni koaua ma n eti baika E karaoi, ao E kona ni karinanoa te aomata ae e kainikatonga.”

Otea 13:4

Ngai ae te UEA ae I a tia n riki b'a Atuami man te tai are kam mena iai Aikubita. Bon ti Ngai te Atua ae kam ataia, bon ti Ngaia ae e konaa ni kamaiungkami.

Tekaria 8:23

Ane a na taua bain te I-Iutaia tengaun aomata man botannaomata aika a kakaokoro aia taetae ao a na kaangai, “Ti na iriko. Ti a tia n ongo b'a E tei Atuami i bukimi.” Bon aei Au taeka Ngai ae te UEA ae Moan te M'aaka!

Mataio 8:19

E roko te tia koroboki temanna, ao e taku nakon Iesu, “Te Tia Reirei, N na iririko nakon te tabo are Ko na nako iai.”

Ioane 13:37

E a manga taku riki Betero nakoina, “Te Uea, e aera b'a N na aki kona n iriko ngkai? N na anga maiu i bukim!”

M'akuri 21:13

E taku ngkanne B'auro nakoia, “Tera ae kam karaoia ngkai kam katumaua te tang, ma n urua nanou? B'a I a tauraoi nakon tiaki ti te kabaeaki, ma nakon naba te mate i Ierutarem i bukin aran te UEA are Iesu.”

1.I-Tetaronike 1:9

A bane aomata n taekina aron rinra i buakomi, ma aromi ngke kam rairaki mani bouannanti nakon te Atua, n toro iroun te Atua ae maiu ae koaua,

Iotua 24:18

Ao ngke ti niniia te aba, ao E kakioia nako taian Amoraite mai m'aaira ake a maeka ngkoa ikai. Ma ngaia are ti bon riai ni beku i bukin te UEA b'a bon ti Ngaia Atuara.”

Te Kaotioti 14:4

Te koraki aei bon ake a aki kam'araeaki irouia aine, b'a roronga ngaiia aika tuai ni bo ma aine. Boni ngaiia ake a irira te Tiibuteteei nako ike E nako iai. A a tia ni kamaiuaki mai buakoia kaain aonnaba, ao a riki b'a ana aomata te Atua ma te Tiibuteteei: ti te bo ngaiia ma moa n uaa ake a anga aomata nakon te Atua b'a ana b'ai.

Ruuta 1:15

Ma ngaia are, e a taku Naomi nakon Nei Ruuta, “E a okiria ana utu ma antina tarim, ao ngkoe ko na okira naba mwengam ma ngaia.”

Ruuta 1:17

ike ko mate iai N na mate naba iai, ao I a taunaki naba iai. Ao ke E kamatoa aei te UEA: b'a ti te mate ae na karaureira.”

Ruuta 2:6

Ao e taku teuarei, “Bon te Iruwa, are e ira Naomi ngke e oki mai Moaaba.

Ruuta 4:15

E bon tangiriko natim, e a tia ni karaoa ae korakora riki nakoia itiman naati m'aane, ao ngkai, e a tia ni bungia tibum are e na anganiko te maiu ae boou, ao e na kawakiniko ngkana ko a kara.”