Ruuta 1:15 - Te B'aib'ara

¹⁵ Ma ngaia are, e a taku Naomi nakon Nei Ruuta, “E a okiria ana utu ma antina tarim, ao ngkoe ko na okira naba mwengam ma ngaia.”

Ruuta 1:15 ပူးပေါင်းရင်းမြစ်များ

2.Uea 2:2

Ao e taku Eria nakon Eritai, E tangirai te UEA b'a N na nako Betaera, ma ko riai n tiku ngkoe ikai. Ao e taku Eritai, I tuea n aran te UEA ae E maiu, ao i matam b'a N na bon aki kikitaniko, e aoria ngkana tao tera ae e na riki. Ma ngaia are, e a airi ma Eria nako Betaera.

Taian Areru 125:5

Ma ngkana Ko kareke kaiia akana buakaka, ao e na kareke kaiia naba akana aki ira nanom. Tataro i bukin reken te rau i aoia Iteraera!

Taian Areru 36:3

Ti te atongi taeka aika bubuaka ma taeka n uarao; E a bua arona ae e raoiroi ae ataib'ai.

Teb'ania 1:6

N na kamaunaia ake a tia n oki ma a aki irai, ake a aki nako iu man rawa n taubeakinaki Irou.

Warekaia Iteraera 10:30

Ao e taku Obaba, “I aki iringkami b'a n na okira au auti, ni kawariia kaain abau.”

Ruka 24:28

A kaania te kawa are a nako iai, ao Iesu, E bakaaea te nako riki,

Ebera 10:38

Ao au aomata ae raoiroi e na maiu n te onimaki; ao ngkana e kerikaki, ao I bon aki kukurei i rouna.”

Iotua 24:15

Ngkana kam aki kan toro i rouna, ao kam na motika nanomi n te bong aei b'a antai ae kam na toro i rouna, antiia ami bakatibu ake i Metobotamia, ke antiia taian Amoraite ae kam maeka i abaia ngkai. B'a ngai ma au utu ti na toro iroun te UEA.”

Iotua 24:19

E taku Iotua nakoia, “Tiaki te b'ai ae beebete te kakaonimaki nakon te UEA, b'a bon te Atua ae tabu ae tangira te kakaonimaki. E aki manga kab'araa ana bure ane e aki kakaonimaki nakoina.

1.Ioane 2:19

Kairiribai aikai a nako mai buakora, ma bon tiaki raora; b'a ngke arona b'a raora, ao a na bon tiku i roura. Ma a nako mai buakora, b'a a na kaotaki b'a tiaki raora ngaiia ni kabaneia.

Tani Motiki-taeka 11:24

Ngkana atuami Kemoti ao e taua te aba man anganingkami, e koaua b'a akea ami b'ai iai? Ma ngkana E anaa te aba anne te UEA ma n anganiira, ao bon abara!

Ruuta 1:14

Ao a manga uaia naba n tang. Ao e kaboria Oreb'a ni kabo ma tinani buuna, ao e a okira mwengana, ma Ruuta, e nimta tinan buuna.

Ruuta 1:16

Ma e kaeka Ruuta; “Ko na tai butiai b'a N na kitaniko. N na iriko nako: b'a ike ko nako iai, ao N na nako iai; Ike ko maeka iai, ao N na maeka iai; am koraki au koraki; ao Atuam Atuau: