Ruuta 1:1 - Te B'aib'ara

¹ E roko te rongo i aon Iteraera ni bong ake ngkoa, i m'ain reken ueana. Ma ngaia are, e m'ananga te m'aane ae arana Erimereka ae kaain te baronga ae Eberata i Betereem i Iuta,

Ruuta 1:1 ပူးပေါင်းရင်းမြစ်များ

Karikani B'aai 12:10

Ma e bon taonaki Kanaan n te rongo n te tai anne, ao e bon rangi ni korakora ma ngaia are, e a manga m'ananga Aberam nakoaiaki riki nako Aikubita, ni maeka tabeua te tai ikekei.

Karikani B'aai 26:1

Ao manga iai riki te rongo teuana n te aba naba arei i mwiin are riki n ana tai Aberaam. Ao e nako Itaaka ni kawara Abimereka are uean Biritia, are i Kera.

Karikani B'aai 43:1

Ao e a rangi ni korakora te rongo i aon Kanaan,

2.Tamuera 21:1

Bon tenua taian ririki aike akea iai kanaia te botannaomata ae Iteraera n ana tai n uea Tawita. Ma ngaia are, e buubutiia te UEA teuare Tawita buokaia, ao E kaeka te UEA ni kaangai, “E bure Tauro ma ana utu i bukin te tiriaomata, i bukina ngke e tiringiia kaain Kibeon.”

1.Uea 18:2

Ao E taku te UEA nakon Eria, “Naako kawara te uea are Aaba b'a N nang kab'aka te karau n te tai ae e aki maan.” Ma ngaia are, e a nako Eria ni kawara Aaba.

1.Rongorongo 2:51

are teniman natina m'aane aika: Tiobara, Tarema, ao Areb'a, are e tekateka n te kaawa are Betakatera.

1.Rongorongo 2:54

E tekateka Tarema n te kaawa are Betereem ao boni ngaia aia bakatibu kaain Netobata, kaain Aterobeta Ioaba, ao iteran te kaainga are Manate, ao kaain Tora.

Taian Areru 105:16

E karokoa te rongo i aon te aba te UEA, ni karokoa bon akea te am'arake.

Taian Areru 107:34

Ao te aba ae uaa b'a te raereke ae tarika, i bukin aia bure akana maeka iai.

Ieremia 14:1

Ao ngke e maan te karau n aki b'ab'aka, ao E tuangai te UEA b'a n na kangai nako ia aomata:

Etekiera 14:13

Etekiera ae natin te aomata, ngkana tao e bure nako iu te botannaomata ae e b'anin, ao I katuaaia n urui arokaia ao ni kamateia kaaina b'a a na mate ni baki ma aia man.

Etekiera 14:21

Boni Ngai ae te UEA ae te Atua, ae I berita b'a e na kakorakoraaki katuaaean Ierutarem. N na kanakoa te buaka, te baki, maan aika aki manana, ao te aoraki ae e kamaamate b'a e na tiringiia kaaina ma aia nanai ni man.

Nakoaia Ibonga 26:19

ni karokoa e baabane raoi ami kamoamoa ni kamanatuaaki. N na aki kab'aka te karau, ao e na riki karawa i aomi b'a kaanga te biti, ao te tano ane i aani waemi b'a kaanga te buraonti.

Amota 4:6

“Boni Ngai ae I karokoa te rongo nakon aon ami kaawa, ma bon akea naba te kuba iroumi n okirai.

Mika 5:2

E kangai te UEA nakon te kaawa ae Betereem Eberata, “Bon te kaawa naba ngkoe teuana ae ko uarereke i buakon kaawan Iuta, ma N na kaotinakoa te Tia Tautaekana Iteraera mai iroum, ae te aomata ae iai reitakina ma ake a kakannato ake ngkoa.”

Te Tua-Kaua 28:38

Ane kam na kamrarai taian koraa aika m'aiti, ma a na rangi ni karako uaana aika kam na karekei, i bukina b'a a na kanaki arokami n taian rookati

Tani Motiki-taeka 12:8

Ao te tia kairiiri are i mwiina bon Ibetan i aon Iteraera, are e nako mai Betereem.

Tani Motiki-taeka 17:7

Ao n te tai teuana, ao e a roko temanna te rorobuaka n ataei man te baronga are Rewi nakon ana auti Mika n aaba ake a tabukibuki i abaia kaain Eberaim. E a bon tia n tiku iroun temanna kaain te kaainga are Iuta i Betereem, ma e a manga kiitana Betereem ni kakaaea te tabo ae boou are na maeka iai.