Ruka 9:61 - Te B'aib'ara

⁶¹ E a manga taku temanna, “N na iririko, te Uea; ma kariaiai moa b'a N na nako ni kabo ma kaaini mwengau.”

Ruka 9:61 ပူးပေါင်းရင်းမြစ်များ

1.Uea 19:20

Ao e katoka ana kamarautano Eritai, ao e biri ri mwiina ao e taku nakoina, “Kanakoai moa b'a N na kaboo nakoia tamau ma tinau, ao i mwiina I a nakomai n iriiriko.” Ao e taku Eria, “Naako ma ururinga te b'ai ae I a tia ni karaoia i bukim.”

Te Minita 9:10

M'akuri korakora ni b'aai ni kabane aika ko karaoi. Ko na waekoa n roko n aia aonnaba maate, ike akea iai ae e m'akuri, ke ni iango, ke ni kakaai bukin b'aai, ke n atai b'aai ni kabane.

Ruka 14:26

Ngkana iai ae kan riki b'a au reirei ma e aki riba tamana ma tinana ma buuna ma natina ma tarina ma m'anena, ma n aki riba naba maiuna, ao e aki kona n riki b'a au reirei.

2.I-Korinto 2:13

ma e aki rau tamneiu ngke e aki reke i rou Tito are tariu. Ma ngaia are I kabo ma ngaiia ao I nako M'aketonia.

Te Tua-Kaua 33:9

E rangi ni kakannato riki iroumi b'a kaawakinan ana boraraoi Iteraera ma te UEA nakon maiuia tamami ke tinami, ke tarimi ke m'anemi. ke oin natimi.