Ruka 9:51 - Te B'aib'ara

⁵¹ Ngke e a kan roko te tai are E nang uotaki rake iai Iesu nako karawa ao E motika nanona b'a E na nako Ierutarem.

Ruka 9:51 ပူးပေါင်းရင်းမြစ်များ

2.Uea 2:11

Ao a tabe ni m'ananga ma n taetae nikawai ngke e a ti rina naba ni kaoti i marenaia te kaanibuaka ae e ura ae e katikitikaki irouia aoti aika a ura rab'ataia. Ao n te tai naba arei, ao e a roko te ang ae e korakora ni uotaarake rab'atan Eria nako karawa.

Mareko 16:19

Ngke E tia te Uea are Iesu n taetae nako ia, ao E uotaki rake nako karawa, ao E tekateka i angaatain te Atua.

Ruka 12:50

Iai te b'abetito ae N nang b'abetitoaki iai; ai te rawawata tera ae taonai ni karokoa e tia!

Ruka 13:22

Ao E waki nako Iesu i aoni kawaina ri nuukani kaawa ma taabo ake a maekanaki, n reireia aomata. Ni karaoan arei i Rouna, ao E bon tabe n toutoua kawaina nako Ierutarem.

Ruka 17:11

Ngke e nako Ierutarem Iesu, ao E ri nukan Taamaria ma Kariraia.

Ruka 18:31

Ao E botiia ni kaokoroia ana reirei ake tengauni ma uoman Iesu, ao E taku nako ia: Noria, ae ti nangi nako Ierutarem, ao b'aai ni kabane ake a koreaki b'a taekan Natin te Aomata irouia burabeti, a nang kakoroaki nanoia.

Ruka 19:11

Ngke a tabe n ongora aomata ni baikekei, ao E a manga reita nako ana taeka Iesu n te rongorongo ni kabotau, i bukina ngke e a kaan ma Ierutarem, ao i bukina ngke a taku n aia iango b'a e na karina ni kaoti Uean te Atua.

Ruka 19:28

Ao ngke E a tia Iesu n atongi baikekei, ao E ri moa n nako Ierutarem.

Ruka 24:51

Ngke E tabe n taetae ni kakab'aiaia, ao E raure ma ngaiia, ao E uotaki nako karawa.

Ruka 9:57

Ngke a tabe ni m'ananga, ao e taku te aomata temanna nakon Iesu, “N na iririko nakon te tabo are Ko na nako iai.”

Ioane 13:1

I m'ain rokon te Toa are te Riao, ao E ataia Iesu b'a e a roko ana aoa ni kitana te aonnaba aei nakon Tamana. E a kaman titiku i nanona tangiraia aomata ake a onimakinna, ake a mena i aon te aba, ao E tangiriia ni karokoa te toki.

Ioane 16:28

I nako mai mairoun te Tama, ao I roko i aon te aba; ao ngkai, N nang kitana te aba n nakon te Tama.”

Ioane 16:5

“I aki taekini baikai nakoimi ngkoa, i bukina ngke I memena iroumi. Ma ngkai N nangi nako nakon Teuare kanakomaiai, ao akea naba iroumi ae titirakinai ni kaangai, Ko na nakea?

Ioane 17:11

Ao ngkai, N nangi nakoim; N nang aki tiku ni maan i aon te aba, ma a na tiku ngaiia i aon te aba. Tamau ae Ko Raoiroi, kawakinia ni m'akan aram, ae te ara are Ko anganai, b'a a aonga n riki n teuana, n ai arora.

Ioane 6:62

Iangoia b'a kaanga tera ae na riki ngkana arona b'a kam nora Natin te Aomata b'a E rierake nakon te tabo are E mena iai ngkoa?

M'akuri 1:2

ni karokoa te bong are E uotaki rake iai nako karawa, i mwin tiana n anga ana mwioko iroun te Tamnei are Raoiroi nakoia taan tuatua ake E a tia n rineia.

M'akuri 1:9

Ngke E a tia n atongi baikai, n te tai are a tabe n tarataraia iai taan tuatua, ao E uotaki rake; ao a aikoa noria ngke a tukaki mataia n te nang.

I-Ebeto 1:20

are E kam'akuria irouni Kristo ngke E a manga kamaiua man te mate, ao E katekatekaa i angaataina i karawa,

I-Biribi 3:14

Ma ngaia are I kabirim'aakai nakon te tia b'a n na karekea te kaniwanga, are bon ana weewete te Atua i nanon Iesu nakon te maiu are i karawa.

1.Timoteo 3:16

Ao ti kaotia b'a e kakannato te baere raba are b'ain te Aro ni Kristian: E kaoti n rab'ata, E kakoauaki iroun te Tamnei b'a e eti arona, E noraki irouia anera, E tataekinaki nakoia aomata ni kabaneia; E onimakinaki irouia aomata nako i aonnaba, E uotaki rake ni mimitong.

Ebera 12:2

ao ti na tarataraa Iesu are te tia kariki ara onimaki, ao te tia kakoroa; are E taona nanona nakon te kaibangaki, n aki mutiakina kamaamaeana, i bukin te kim'areirei are kamenaki i m'aina; ao E tekateka i angaatain ana kaintokanuea te Atua.

Ebera 6:20

ike E a tia n rin iai Iesu i bukira, ae te tia ri-moara; ao E riki b'a te Ibonga ae Kakannato n aki toki, n ai aroni Merekitereka.

1.Betero 3:22

are nako karawa, ao E mena i angaatain te Atua, n tautaeka i aoia anera ma ake iai m'akaia ma aroia n tautaeka.