Ruka 9:5 - Te B'aib'ara

⁵ Ao n te tabo are kam aki butim'aeaki iai irouia kaaina, ao ngkana kam kitana te kawa anne, ao taei bubun aontano mai waemi b'a te b'ai ni kakoaua nako ia b'a a aki mutiakiningkami.”

Ruka 9:5 ပူးပေါင်းရင်းမြစ်များ

Neemia 5:13

Ao i mwiina, I kabaabanea kanoan au buua ao I taku, “Ngkana kam aki kakororaoa ami berita, ao anne te b'ai ae e na karaoia te Atua nakoimi. E na kabanei ami b'ai ni kabane akana iroumi ni kanakoi, ao e na bon uoti nako naba ami auti.” Ao a taku aomata, “Ti na kakoroi raoi bukin ara berita.” Ao i mwiina, a neboa te UEA ao a karaoi baike a tia ni berita iai.

Mataio 10:18

ao ane kam na katikaki nako mataia taan tau-taeka ma uea i buku, ma kam na taekina te koaua nako ia ao nakoia aomata akana tiaki I-Iutaia.

Mareko 6:11

Ao ngkana kam kawara te kawa teuana ma a aki butim'aingkami kaaina ao a aki kan ongora i roumi, kitanna ao taei bubun aontano mai waemi b'a te b'ai ni kakoaua nako ia b'a a aki mutiakiningkami.”

Mareko 9:37

“Ane m'anea n akoa te teei temanna mai buakoia ataei aikai i nanon Arau, ao e m'aneai n akoai; ao ane m'aneai n akoai, ao e aki m'aneai n ti Ngai, ma e m'anea n akoa naba Teuare kanakomaiai.”

Ruka 10:16

“Ane ongo i roumi, ao e ongo naba i Rou; ao ane e ribaingkami, ao e ribaai naba; ao ane ribaai, ao e ribaa naba Teuare E kanakomaiai.”

Ruka 5:14

Ao E kamatoa ana taeka nako ina b'a e na aki tuanga temanna; ao E taku, “Ko na nako ni kaotiko nakon te ibonga, ao anga te karea i bukini kaitiakam n ai aron are e tua Moote, b'a te b'ai ni kakoaua nakoia aomata.”

Ruka 9:4

Ao te auti ane kam rin mani maeka iai, ao kam na manga nako naba maiai.

Ruka 9:48

ao E taku nako ia, “Ane m'anea te teei aei n akoia i nanon arau, ao e m'aneai n akoai naba; ao ane m'aneai n akoai, ao e m'anea Teuare kanakomaiai; b'a ane mangori riki i buakomi, ao ngaia ane kakannato riki.”

M'akuri 13:51

Ao ngaiia a taei tanoni waeia b'a kaotan ae ai akea tabeia irouia kaain te kaawa arei, ao a nako Ikonio.

M'akuri 18:6

Ma a ekianako ao a taetaebuakaia, ao ngaia e ioioa ana kunnikai, ao e taku nakoia, “Kam na boni bukintaeka n ami bure! Akea au bure iroumi! I mwini ngkai ao I a nakoia aomata aika tiaki I-Iutaia.”