Ruka 9:48 - Te B'aib'ara

⁴⁸ ao E taku nako ia, “Ane m'anea te teei aei n akoia i nanon arau, ao e m'aneai n akoai naba; ao ane m'aneai n akoai, ao e m'anea Teuare kanakomaiai; b'a ane mangori riki i buakomi, ao ngaia ane kakannato riki.”

Ruka 9:48 ပူးပေါင်းရင်းမြစ်များ

Taeka n Rabakau 18:12

E kairiko te kainikatonga nakon te kamaunaaki; e kairiko te nanorinano nakon te neboaki.

Mataio 18:10

Kam na kawakiningkami b'a kam na aki kakeaa bonganan temanna i buakoia aika uarereke aikai; b'a I taku nako imi, b'a a aki toki aia anera i karawa n rooroko iroun Tamau are i karawa.

Mataio 18:14

Ao ai aron naba Tamami are i karawa, b'a E aki tangira temanna i buakoia aika uarereke aikai b'a e na tiotio nako mai Rouna.

Mataio 19:28

E taku Iesu nako ia: E koaua ae I a tuangngkami, b'a ngkana E tekateka Natin te Aomata i aon ana kaintokanuea are tamaroa, n te aonnaba ae boou ao ngkami, aika kam irirai, ane kam na tekateka naba i aoni kaintokanuea aika tebwi ma uoua, n tautaekaniia aia baronga Iteraera ake tengauni ma ua baronga.

Mataio 25:40

Ao E na kaekaia te Uea ni kangai, “E koaua ae I a tuangngkami, b'a are kam karaoia nakon temanna ae mangori riki i buakoia tariu aikai, ao kam karaoia naba nako Iu.”

Mataio 25:45

Ao Ngaia E na kangai nako ia, “E koaua ae I a tuangngkami, b'a ngke kam aki karaoi baikai nakon temanna ae mangori riki i buakoia aikai, ao kam aki karaoi naba nako Iu.”

Mareko 9:37

“Ane m'anea n akoa te teei temanna mai buakoia ataei aikai i nanon Arau, ao e m'aneai n akoai; ao ane m'aneai n akoai, ao e aki m'aneai n ti Ngai, ma e m'anea n akoa naba Teuare kanakomaiai.”

Ruka 10:16

“Ane ongo i roumi, ao e ongo naba i Rou; ao ane e ribaingkami, ao e ribaai naba; ao ane ribaai, ao e ribaa naba Teuare E kanakomaiai.”

Ruka 14:11

B'a ane kakannatoa i bon i rouna, ao e na kamangoraki; ao ane kamangoria i bon i rouna, ao e na kakannatoaki.

Ruka 22:26

Ma kam na aki kakairi i rouia: ma ane moan te kakannato i roumi, ao ke e riki b'a kaanga te kabanea n ataei; ao te mataniwi, ke e riki b'a te toro.

Ruka 22:30

b'a kam aonga n am'arake ma ni moi n au taibora n Ueau, ao n tekateka i aoni kaintokanuea b'a kam na motiki taekaia aia baronga Iteraera ake tengauni ma ua baronga.

Ruka 7:28

I tuangngkami b'a akea i buakoia aomata nako aika tia ni bungiaki ae kakannato riki nakon Ioane; ma ane moan te mangori n uean te Atua ao boni ngaia ae kakannato riki nako ina.

Ioane 13:20

Bon te koaua ni koaua ae I a tuangngkami, b'a ane m'anea n akoa ane I kanakoa, ao e m'aneai n akoai; ao ane m'aneai n akoai, ao e m'anea n akoa naba Teuare kanakomaiai.”

Ioane 14:21

“Ane iai i rouna au tua nako, ao e tou mwiia, ao e kaotia iai b'a e tangirai; ao ane tangirai ao e na tangiraki iroun Tamau, ao e na tangiraki naba irou, ao N na kaotai nakoina.”

1.I-Tetaronike 4:8

Ma ngaia are te aomata ae rawa nakon te taeka n reirei aei, ao e aki rawa nakon te aomata, ma e rawa nakon te Atua, are anganingkami Tamneina are Raoiroi.

1.Betero 5:6

Ma ngaia ae kam na kananorinanoingkami i aani bain te Atua ae baina ae m'aaka, b'a E aonga ni karietataingkami n te tai ae riai.

Te Kaotioti 21:14

E kateaki te nono aei i aon aana aika tebwi ma uoua, aika koreaki i aoia aara aika tebwi ma uoua aika araia taan tuatua ake tengauni ma uoman, ake ana tia tuatua te Tiibuteteei.

Te Kaotioti 3:21

Ane tokanikai, ao N na anganna te kona n tekateka ma Ngai n au kaintokanuea, n ai arou naba ngke I tokanikai ao I tekateka ma Tamau n ana kaintokanuea.