Ruka 9:41 - Te B'aib'ara

⁴¹ E kaeka Iesu ni kangai, “Te roro ae akea ana onimaki, ae e bure arona! Maan ra memenau i roumi ao taotaonakin nanou nako imi?” E taku nakon te rorobuaka arei, “Kaira mai natim.”

Ruka 9:41 ပူးပေါင်းရင်းမြစ်များ

2.Uea 5:8

Ao ni bon te tai naba are e ongo iai Eritai are te burabeti te b'ai are e riki, ao e kanakoa te rongorongo nakon uean Iteraera ae e kaangai, E aera ngkai ko rangi ni maaku? Kanakomaia te m'aane anne b'a e aonga n ataia ae iai te burabeti i aon Iteraera.”

Taian Areru 78:8

A na aki katotongiia aia bakatibu, ake te roro n aki ongotaeka ma n rawa ni kan aan-taeka, Ake a tuai man nene onimakinan te Atua irouia, Ao a tuai naba n teimatoa ni kakaonimaki nakoina.

Te Otinako 10:3

Ma ngaia are, a nako Moote ma Aaron nakon te uea ao a taku, “E kaangai ana taeka te UEA ae Atuaia Ebera, “Maan ra riki ngkoe n rawa ni konaaki i rou? Ko na kanakoia au aomata, b'a aonga n taromauriai.

Te Otinako 16:28

Ao E taku te UEA nakoni Moote, “E aera ngkai kam aki kan ongo Au babaaire ngkami aika au aomata?

Ieremia 4:14

Ma Ierutarem, e bon reke naba ami tai ni iangoi maiumi Teboki taiani bure mai nanomi ao katoka babaairean iango aika a bure,

Warekaia Iteraera 14:11

Ao E taetae te UEA nakoni Moote ni kaangai, “I a tia ni karaoi b'aai aika a ab'ab'aki i bukiia aomata aikai, ao a rawa i Rou ngke a aki onimakina m'aakau.

Warekaia Iteraera 14:27

b'a a na anga ana rongorongo nakoia Iteraera ae kaangai:

Mataio 11:28

“Bane mai nako Iu, ngkami akana kam kua ao kam rawawata, ao N na motiki rawami.

Mataio 12:39

Ma E kaekaia Iesu ao E taku, “A ukoukora te kanikina te roro ae buakaka ae aki ongotaeka nakon te Atua!” ma akea te kanikina ae a na anganaki, b'a ti te kanikina are te baere e riki nakon Iona are te burabeti.

Mataio 12:45

Ao e nako ni kairiia itiman anti aika buakaka riki nako ina, ao a rin ao a maeka iai; ao e a buakaka riki aron te aomata arei nakon arona are rimoa. Ao ai aron naba ae na riki nakon te roro ae buakaka aei.”

Mataio 16:4

A ukoukora te kanikina te roro ae buakaka ae aki ongotaeka nakon te Atua; ma akea te kanikina ae a na anganaki, b'a ti te kanikina are te baere riki nakon Iona are te burabeti.” Ao E kitaniia, ao E nako.

Mataio 17:17

Ao E kaeka Iesu ao E taku, “Te roro ae akea ana onimaki, ae aki ata ae e raoiroi ma ae e buakaka, maan ra ae N na titiku iai i rarikimi? Ao maan ra taotaonakin nanou nako imi? Kairia mai nako Iu!”

Mataio 23:36

E koaua ae I a tuangngkami b'a a na bane n roko baikai i aon te roro aei.

Mataio 3:7

Ngke e noriia B'aritaio ma Tarukaio aika bati Ioane b'a a roko b'a a na b'abetitoaki, ao e taku nako ia, “Ngkami aika buniia naeta, antai ae tuangngkami b'a kam na biri nako man te un are a kan roko?

Mareko 10:14

Ngke E nora aei Iesu ao E rin, ao E taku nakoia ana reirei, “Kanakomaia ataei nako Iu, ao tai tukiia; b'a Uean te Atua bon aia b'ai ataei aika ai aroia aikai.

Mareko 10:49

E tei Iesu ao E taku, “Weteia.” A wetea teuare mataki ao a kangai nako ina, “Keiaki, tei rake b'a E weteiko.”

Mareko 9:19

E taku Iesu nako ia, “Te botannaomata ae akea ana onimaki; tao maan ra ae N na titiku iai i rarikimi? Ao tao maan ra taotaonakin nanou nako imi? Uota mai te teinimm'aane nako Iu!”

Ruka 8:25

Ao E taku nako ia, “A nga ami onimaki?” Ao a maaku ma ni mimi, ao a i taetae i rouia ni kangai, “Antai Teuaei, b'a E taetae nakon te ang ma te nao, ao a karaoa tuangaia!”

Ruka 9:40

I butiia am reirei b'a a na kanakoa, ma a aki konaa.”

Ruka 9:42

Ngke e tabe n roko te teei ni mm'aane, ao te taimonio, e boaketana ao e kaatikitikia. Ao Iesu, E takua te anti are kam'araa, ao E kamaiua te teei ni mm'aane, ao E anga nakon tamana.

Ioane 14:9

E taku Iesu nakoina, “Ai maanraa Ngai ni mena i rarikimi, ao ko tuai man ataai, Biribo? Ane e a tia n norai, ao e a tia naba n nora Tamau; e aera ngkai ko kaangai, ‘Kaota Tamam nako ira’?

Ioane 20:27

Ao i mwina E taku nakon Toma, “Kaki tabonibaim ikai, ao tarai baiu; ao arora mai baim ao karinna i nanon rarikiu; kaaki arom n aki onimaki, ao b'aina te onimaki.”

M'akuri 13:18

Ao E buobuokia n te rereua i nanon ae tao angaun te ririki, e ngae ngke a aki raraoi aroia nakoina.

M'akuri 2:40

A bati riki ana taeka Betero nakoia, ao e butiia ni kaangai, “Kam na kamaiungkami man te rekenikai ane nang roko nakon te roro ae buakaka aei!”

I-Rom 2:4

Ke ko aki rangi ni mutiakina ana ataataiaomata ae bati, ma taotaonan nanona, ma arona n aki kakaiun? Ao ko aki ata ana ataataiaomata te Atua b'a e kairiko nakon rairan nanom?

Te Tua-Kaua 32:5

Ma ngkami kam kewetaia ao kam karaoi m'akuri ni baabakanikawai ao kam aki kakaonimaki nakoina, ao kam aki tau n riki b'a ana Aomata kam bon kamamaaeingkami ao bon akea manenami n riki b'a natina.

Ebera 3:19

Ao ti a ataia iai b'a a aki kona n rin i bukin aia aki onimaki.

Ebera 4:11

Ma ngaia ae ti na kakorakoraira ni kan rin i nanon te motirawa arei, b'a e kawa temanna ni b'aka, ni katotongiia te koraki arei i bukin aia aki ongeaba.

Ebera 4:2

B'a e a tia n taekinaki te euangkerio nako ira, n ai aroia; naba; ma e matebuaka i rouia te rongorongo are a ongo, b'a a aki b'aina naba te onimaki are e reke irouia te koraki ake raoia n ongora.

Ebera 7:25

Ma ngaia ae E kona ngkai ao n taai nako ni kamaiuia akana nako n te Atua i Rouna, ngkae E maiu n aki toki b'a E na bubuti i bukiia.