Ruka 9:38 - Te B'aib'ara

³⁸ Ao noria, e takaarua te aomata temanna mai buakoia aomata aika bati ni kangai: “Te Tia Reirei, I butiko b'a Ko na nanoanga natiu te mm'aane, b'a bon ti ngaia natiu!

Ruka 9:38 ပူးပေါင်းရင်းမြစ်များ

Karikani B'aai 44:20

Ao ti taku, ‘Eng, iai tamara ae e a kara, ao iai naba tarira ae uarereke, ae e a tib'a bungiaki ngke e a boni kara. E a tia ni mate tarin Beniamin, ao bon ti ngaia ngkai ae e maiu, ao e rangi n tatangiraki iroun tamana.

Tekaria 12:10

Boni Ngai ae te UEA ae N na karaoa ana kariki Tawita ma kaain Ierutarem b'a a na rangi n nanokawaki ao a na tataro ngkana a noora te aomata are e ewaraki n te kainiwai. A na tang ma n tanginiwenei i bukina, kaanga kaaro aika a tang i bukin maten natiia te rikitemanna ke aia karimoa.

Mataio 15:22

Ao noria, e roko te aine temanna ae te I-Kanaan man aaba akekei, ao e takarua ni kangai, “Te Uea, ae Natin Tawita! Ko na nanoangaai! E taniaki natiu te aine iroun te taimonio, ao e a rangi ni karawawataki i rouna.”

Ruka 7:12

Ngke E a kaan ma mataroan oon te kawa, ao noria, e a uotaki nako Ina te aomata ae mate ae te rikitemanna iroun tinana, ao neierei e a tia ni mate buuna; a rangi ni m'aiti aomata ake a raona neierei.

Ruka 9:37

N te bong are i mwina, ngke a tia n ruo man te maunga, ao E kaitibo Iesu ma aomata aika bati.

Ruka 9:39

Ao noria, e tatauaki iroun te tamnei n te tai teuana ma teuana; ao kinaakin aei, e karinaa teteei ni mm'aane ni katakaruaea, ao e karaoa ae na kaatikitiki iai ni karokoa ae kabungibaware, ao e a tib'a kitanna ngkana e a bon rawata i rouna.

Ioane 4:47

Ngke e ongo b'a E nako mai Iutaia Iesu nako Kariraia, ao e nakoina ni butiia b'a E na nako Kaberenaum ni kamaiua natina, b'a e a kani mate.