Ruka 9:32 - Te B'aib'ara

³² Ao a matu nako Betero ma raona; ma ngke a uti, ao a nora mimitongin Iesu ma aomata ake uoman ake a tei ma Ngaia.

Ruka 9:32 ပူးပေါင်းရင်းမြစ်များ

Itaia 60:19

Kam na aki kainanoa ootan taai ke nam'akaina. N na riki Ngai ae te UEA ae Atuami b'a ami oota n aki toki ao te tia karekea te karineaki.

Taniera 10:9

Ao ngke I ongo b'anaana, ao I b'aka ni bobaraaki n tong i aontano.

Taniera 8:18

Ao ngke e tabe n taetae, ao I b'aka n tong i aontano. Ma e tauai ni baina, ao e kateirakeai. Ao e taku, “N na kaoti nakoim baika a nang riki i bukin unin te Atua. E kaineti te kaotioti anne nakon tain te toki.

Mareko 14:40

Ngke E a manga oki, ao E noriia b'a a manga matu naba, b'a a kuri n aki ure mataia; ao a aki ataia b'a tera aia kaeka nako Ina.

Ioane 1:14

E riki n aomata te Taeka, ao E maeka i buakora. E on n te akoi ma te koaua, ao ti nora mimitongina, are mimitongina n arona b'a ti Ngaia Natin te Atua.

Ioane 17:24

“Tamau, I tangiriia ake Ko anganai b'a a na mena irou ike I mena iai, b'a a na nora neboakiu are Ko anganai ngke Ko tangirai i m'ain rikin aonnaba.

2.Betero 1:16

B'a ti aki taekini karaki aika oteaki n te aro n rabakau, ngke ti tuangngkami m'aakan ma rokon ara Uea are Iesu Kristo; ma ti bon nora kakannatona.

1.Ioane 3:2

Ngkami aika kam tangiraki, bon natin te Atua ngaira ngkai; ao e tuai ni kaotaki b'a terana arora rimwi. Ti ataia, b'a ngkana E a manga oki Kristo, ao ti na katotonga arona, i bukina b'a ti na nora arona ni koaua.