Ruka 9:22 - Te B'aib'ara

²² Ao E a manga taku riki Iesu nako ia, “E riai Natin te Aomata b'a E na karawawataaki ao b'a E na ribaaki irouia unimm'aane, ao irouia ibonga ake a kakannato, ma taani koroboki, ao b'a E na kamateaki, ao E na manga uti n te katenibong.”

Ruka 9:22 ပူးပေါင်းရင်းမြစ်များ

Karikani B'aai 3:15

N na karika te i kairiribai i marenam ma neiei n aki toki, ao i marenaia naba kanoam ma kanoana. E na kamanatua atuum, ao ngkoe ko na tenai bukin waena.”

Taniera 9:26

Ao n tokin te tai ane onobwi ma uoua te ririki, e na tiringaki ana tia kairiiri te Atua n te aro ae e aki eti. E na kamaunaaki te Tembora ma kaawa iroun ana taanga ni buaka te tia tautaeka ae e korakora. E na roko te toki n ai aron te ieka, ma uotana are te buaka ma te urub'ai are e a tia ni katauraoia te Atua.

Tekaria 13:7

E taku te UEA ae Moan te M'aaka: Uti, Au kabaang! Buakana au tia kaawakin tiibu ao raoraou. Orea te tia kaawakin tiibu ni kab'akaa! Kamaaenakoia tiibu aika uarereke, ao N na uruaniia.

Mataio 17:12

Ma I taku b'a e a tia n roko Eria, ma a aki kinaa, ao a karaoi nako ina baike a kani karaoi. Ao ai aron naba Natin te Aomata, b'a E na kamarakaki naba i rouia.”

Mataio 17:22

Ngke a bane ni botaki ana reirei Iesu i Kariraia, ao E taku nako ia, “Ane E na kam'aneaki Natin te Aomata nako nanoni baiia aomata,

Mataio 27:63

ao a taku, “Teuae karineaki, ti uringa ana taeka te tia bureburea-te-aba arei, ngke E kangai n ana tai ni maiu: I mwin tenibong, ao N na manga uti.

Mareko 8:31

Ao Iesu, E moanna n reireiniia ana reirei n ana taeka aika kangai: “E riai b'a E na karawawataaki Natin te Aomata, ao b'a E na ribaki irouia unimm'aane ao irouia ibonga ake a kakannato ma taani koroboki; ao b'a E na kamateaki, ao i mwin tenibong, E na manga uti.”

Mareko 9:31

i bukina b'a E reireiia ana reirei n taeka aika kangai: “E nang kam'aneaki Natin te Aomata nako nanoni baiia aomata, ao a na tiringnga; ao ngkana E mate, ao E na manga uti i mwin tenibong.”

Ruka 17:25

Ma e na kabatiaaki moa b'ainikirinana ao E na ribaaki irouia kaain te roro aei.

Ruka 24:26

Tiaki e riai b'a E na karawawataki ni baikekei te Kristo, ao b'a E na rin i nanoni mimitongina?”

Ruka 24:44

Ao E taku nako ia, “Aikai au taeka ake I atong ngkoa nako imi, ngke I memena i roumi, b'a e riai b'a b'aai ni kabane ake a taekinaki i buku n ana tua Moote ma aia boki burabeti, ao i nanon Taian Areru, a na bane ni kakoroaki bukiia.”

Ruka 24:7

‘B'a e riai b'a E na kam'aneaki Natin te Aomata nako nanoni baiia aomata aika buakaka, ao E na kamateaki n te kaibangaki ao E na manga uti n te katenibong.’ ”

Ruka 9:44

“Kam na kakauongo raoi nakon taeka aikai! ane E nang kam'aneaki Natin te aomata nako nanoni baiia aomata.”

1.I-Korinto 15:4

E taunaki, ao E a manga uti n te katenibong n ai aron taekana n te B'aib'ara;

1.Betero 1:11

A kataia ni kakaaea b'a antai te aomata, ao te tai ra ake a kaotaki iroun Tamnein Kristo are mena i nanoia ngke E taekini baikai i m'ain rikiia, aika marakini Kristo ake E na taonaki iai, ao te neboaki are E na b'ainna i mwini maraki akanne.