Ruka 9:18 - Te B'aib'ara

¹⁸ Ti Iesu n tataro n te tai teuana ngke a roko i Rouna ana reirei; ao E titirakiniia ni kangai, “A taku aomata b'a antai Ngai?”

Ruka 9:18 ပူးပေါင်းရင်းမြစ်များ

Mataio 14:23

Ao ngke E a tia ni kanakoia aomata, ao E ararakea te maunga n ti Ngaia b'a E na tataro. Ngke e a tairiki, ao bon ti Ngaia naba ikekei;

Mataio 26:36

Ao E nako Iesu ma ana reirei nakon te tabo ae arana Ketetem'ane. Ao E taku nako ia, “Kam na tekateka ikai, b'a N na nako ikekei n tataro.”

Ruka 11:1

N te tai teuana, ao E tataro Iesu n te tabo teuana; ao ngke E toki ana tataro, ao e taku ana reirei temanna nako Ina, “Te Uea, reireiniira te tataro n ai aron Ioane, ngke e reireiniia ana reirei.”

Ruka 3:21

Ngke a bane n tia ni b'abetitoaki aomata, ao ngke E a tia naba ni b'abetitoaki Iesu, ao n te tai are E tataro iai ao e kaukaki karawa,

Ruka 6:12

Ni boong akekei, ao E nako Iesu nakon te maunga b'a E na tataro iai, ao E kangainaa n tataro nakon te Atua.

Ruka 9:19

Ao a kaeka ni kangai, “Ioane are te tia B'abetito; ma a taku tem'angina b'a Eria; ao tem'angina, b'a temanna ae e a manga uti mai buakoia burabeti nikawai.”

Ruka 9:28

Tao wanibong i mwin ana taeka Iesu akekei, ao E kaira Betero ma Ioane ma Iakobo, ao E ararake nako aon te maunga b'a E na tataro iai.

Ruka 9:29

Ngke E tabe n tataro, ao E onikaki aron taraan ubuna, ao e riki ni mainaina man raneanea kunnikaina.