Ruka 9:16 - Te B'aib'ara

¹⁶ Ao E anai kariki ake nimaai ao ika ake uoman, ao E tara rake nako karawa, ao E kaitaua te Atua ao E urui, ao E anganiia ana reirei b'a a na kaaki i mataia aomata.

Ruka 9:16 ပူးပေါင်းရင်းမြစ်များ

Mataio 14:19

E tuangiia ngkanne aomata b'a a na tekateka i aon uteute; ao e anai kariki ake nimaai ao ika ake uoman, ao E tara rake nako karawa, ao E kaitaua te Atua. E urui kariki ao E angania ana reirei, ao ana reirei a angania aomata.

Mataio 15:36

ao E anai kariki ake itiai ma ika; ao ngke E a tia n tataro ni katituaraoi, ao E urui, ao E anganiia ana reirei, ao ngaiia a manga anganiia aomata.

Mareko 7:34

E tara rake ngkanne nako karawa, ao E ike rake ni kamanna teutana, ao E taku nakon teuarei, “Eb'ata,” ae nanona, “Uki.”

Ruka 22:19

Ao E anaa te berena, ao ngke E tia n tataro ni katituaraoi, ao E urua ao E anganiia ana reirei, ao E kangai, “Rab'atau aei ae I anga i bukimi, Karaoa aei b'a kanuringau!”

Ruka 24:30

Ngke E taibora n am'arake ma ngaiia, ao E anaa te kariki ao E tataro ni katituaraoi, ao E urua, ao E anganiia.

Ruka 9:15

Ao a karaoa tuangaia, ao a katekatekaia ni kabaneia.

Ruka 9:17

A bane n am'arake ao a ngae. Ao ana reirei Iesu, a anai tengauni ma uakora b'aene aika kakanoa n nikiran am'arake ake a tiku.

Ioane 6:11

E anai kariki akekei Iesu, ao E tataro ni katituaraoi, ao E anga b'a a na tib'aki nakoia ake a tekateka. E karaoa naba ae aron aei nakon ika, ao a bane n reke tib'aia n ai aroni m'aitin are a tangiria.

Ioane 6:23

Ma iai tabewa booti ake a roko mai Tiberia nako rarikin te tabo are a kang kariki iai aomata i mwin ana tataro ni katituaraoi te Uea.

M'akuri 27:35

Ngke e a tia n atongi taeka aikai B'auro, ao e anaa teutana te am'arake ao e tataro ni katituaraoa te Atua i mataia ni kabaneia; e anaa ngkanne teutana mai iai, ao e kanna.

I-Rom 14:6

Ane kawakina te bong teuana b'a e kakannato i rouna, ao e kawakinna i bukin te UEA; ao ane kang am'arake nako, ao e kang i bukin te UEA, b'a e katituaraoa te Atua; ao ane aki kang am'arake tabeua, ao e karaoia i bukin te UEA.

1.I-Korinto 10:30

Ngkana I katituaraoa te Atua i bukini kanau are I kanna, ao bukin tera b'a N na taeka buaka n te am'arake are I katituaraoi iai i bukina?”

1.I-Korinto 11:24

ao ngke E a tia n tataro ni katituaraoi, ao E urua, ao E kangai, “Rab'atau aei i bukimi. Kam na karaoa aei b'a kanuringau.”

1.Tamuera 9:13

ane kam na nooria ngkana kam rin ni mataroan te kaawa. B'a ane i aoni kawaina n otinako nakon te tabo n taromauri b'a e na am'arake ma iruwa ake a kaoaki. A aki kona n am'arake ni karokoa e tia ni kakab'aia te karea. Ngkana kam nako ngkai, ao ane kam na kauia.”