Ruka 8:54 - Te B'aib'ara

⁵⁴ Ma Iesu, E taua bain neierei ao E taku n te b'ana ae korakora, “Te teteeinaine, tei rake!”

Ruka 8:54 ပူးပေါင်းရင်းမြစ်များ

Ieremia 31:32

E na bon kaokoro ma te boraraoi are I karaoia ngkoa ma ami bakatibu ngke I kaotinako ia mai Aikubita. E ngae ngke Atuaia Ngai, ma a bon urua naba te boraraoi anne.

Mataio 9:25

Ngke a tia ni kaotinakoaki te koraki arei, ao Ngaia E rin n te ruu are e mena iai te teeinaine; ao E taua bain neierei, ao e tei rake.

Mareko 1:31

ao E nako n taua baina, ao E kateirakea, ao e a toki naba kabuebuena; ao e touatiniia neierei.

Mareko 8:23

E taua bain teuare mataki, ao E kairia nako tinanikun te kawa; ngke E tia Iesu ni bawarei matan teuarei, ao E katokai baina i aona, ao E titirakinna ni kangai, “Iai te b'ai ae ko noria?”

Mareko 9:27

Ma Iesu, E taua baina ao E kateirakea, ao ngaia e tei rake.

Ruka 8:51

Ngke E roko Iesu n te auti, ao E aki kariaia b'a e na rin temanna ma Ngaia, ma ti Betero, Ioane ao Iakobo, ao taman ma tinan te teei.

Ruka 8:53

Ao a ngare ni kakanikoa Iesu, b'a a ataia ae e mate.

Ruka 8:55

Ao e a manga uti, ao e tei rake naba ngkekei; ao E tua Iesu b'a e na anganaki neierei te am'arake b'a e na kanna.

Ioane 11:43

Ngke E a tia n atongi baikai, ao E kanenea b'anaana n takarua ni kaangai, “Rataro, oti nako!”

Ioane 5:21

B'a aron te Tama ngkai E a manga kamaiuia aika mate, ao E angania te maiu, ao ai aron naba te Nati, E anga te maiu nakon ane E bon taku.

M'akuri 9:40

E kabaneia ni kaotinakoia Betero, ao e katorobubua n tataro; e rairaki ngkanne ni kaitaraa rab'atan Nei Toreka, ao e kaangai, “Nei Tabita, teirake!” E kaure matana Nei Toreka; ao ngke e nora Betero, ao e tekateka.

I-Rom 4:17

n ai aron are koreaki ni kaangai: “I karaoiko b'a tamaia botannaomata aika bati.” Ma ngaia ae e raoiroi te taeka n akoi i bukin aron te Atua, are e onimakinna Aberaam are te Atua are kamaiuia maate, ao are iai i rouna te kona ni kariki b'aai ngke bon akea.