Ruka 8:52 - Te B'aib'ara

⁵² Ao a bane n tang ao a tanginiwenei; ma E taku Iesu nako ia, “Tai tang, b'a e aki mate te teei ma e matu.”

Ruka 8:52 ပူးပေါင်းရင်းမြစ်များ

Karikani B'aai 23:2

Ao e mate i Kiriatareba i Eberon n te aba are Kanaan, ao e tangi man nanokawaki Aberaam ni matena.

2.Tamuera 18:33

Ao e a ruru Tawita. Ao i mwiina, e waerake nakon te ru are i etan mataroan te kaawa n tang iai. Ao e b'aeb'aeti ngke e tabe ni m'ananga ao e taku, “Natiu ae Abetarom! Natiu ae Abetarom! Natiu, natiu ae Abetarom! Tera ngke I mate n onea mwiim! Abetarom, natiu, natiu!”

Te Otinako 24:17

Ao e karaoa arei Moote n tiku ikekei i nanon abwi te ngaina ma te bong.

Tekaria 12:10

Boni Ngai ae te UEA ae N na karaoa ana kariki Tawita ma kaain Ierutarem b'a a na rangi n nanokawaki ao a na tataro ngkana a noora te aomata are e ewaraki n te kainiwai. A na tang ma n tanginiwenei i bukina, kaanga kaaro aika a tang i bukin maten natiia te rikitemanna ke aia karimoa.

Mataio 11:17

‘Ti katangitang nako imi, ao kam aki b'atere; ti tanginiwenei ao kam aki tang!’

Ruka 23:27

A iria aomata aika bati, ao iai naba aine i buakoia ake a tang ma ni b'aeb'aeti i bukina.

Ruka 23:48

Ao aomata ni kabaneia ake a botaki ni mataku, ngke a nori baikekei ao a okira mwengaia n ororei b'ab'aaia n nanokawaki.

Ruka 8:51

Ngke E roko Iesu n te auti, ao E aki kariaia b'a e na rin temanna ma Ngaia, ma ti Betero, Ioane ao Iakobo, ao taman ma tinan te teei.

Ruka 8:53

Ao a ngare ni kakanikoa Iesu, b'a a ataia ae e mate.

Ioane 11:4

Ngke E ongo Iesu, ao E taku, “Tiaki te aoraki ae e na mate iai te aomata, ma e riki aei i bukin neboan te Atua, ao b'a E aonga n neboaki iai Natin te Atua.”