Ruka 8:47 - Te B'aib'ara

⁴⁷ Ngke e ataia neierei b'a e aki raba, ao e roko n ruru b'a e maaku, ao e b'aka i matana, ao e tuangnga i mataia aomata ni kabaneia bukin riingana ao arona ngke e waekoa n toki aorakina.

Ruka 8:47 ပူးပေါင်းရင်းမြစ်များ

Taian Areru 2:11

Kam na toro iroun te UEA ao karinea; ao kim'areirei ma te ruru.

Taian Areru 38:9

Te Uea, Ko atai baika I tangiri ni kabane; E aki raba rawawatan nanou mairoum.

Taian Areru 66:16

Nako mai, ongora, ngkami akana kam karinea te Atua, Ao N na tuangngkami te b'ai ae E a tia ni karaoia i buku.

Itaia 66:2

I a tia ni karaoi b'aai nako; ao anne aron rikiia ni kabane. Bon aei au taeka Ngai ae te UEA. Aomata ae I kawakinia riki bon aika nanorinano are a mena aia mwioko irou ao a ruru ngkana I taetae.

Otea 13:1

Ngke a taetae ami taan kairiiri, a bane n ruru ni maaku ma ni kaota te karinerine ae e korakora. Ma kam bure n taromauria B'aara, ao kam urubekebekeaki.

Otea 5:3

Iteraera, I atai rongorongomi ni kabane, ao I kuneingkami b'a kam a aki tau, i bukin ami aki kakaonimaki.

Ab'akuka 3:16

I bane n ongo baikai ao I riki n ruru iai; a ruru matanriau ni maaku. E keerikaaki korakoran rab'atau ma n rurubenebene waeu. N na tataninga ma te rau, n taningaa rokon te tai are E na oroia iai te Atua koraki akea a buakanira.

Mataio 28:8

Ma ngaia are a kawaetataia n nako man te nne ni mate ma te maaku ao te kukurei ae bati, ao a biri nako n tuangiia ana reirei.

Mareko 5:33

Ao te aine, n ataan te b'ai are a tia n riki nako ina, e roko ma te maaku, ao e ruru. E b'aka i matan Iesu, ao e tuangnga te koaua ni kabane.

Ruka 8:46

Ma E taku Iesu, “Iai temanna ae riingai, b'a I namakina ae e nako mai rou te m'aaka.”

Ruka 8:48

Ao E taku Iesu nako ina, “Natiu, e kamaiuko am onimaki; naako ma te rau!”

M'akuri 16:29

Ao ngaia e weewete i bukin taura, ao e biri n rin n ruru ni maku, ao e katorobubua ni bobaraaki i matani B'auro ma Tira;

1.I-Korinto 2:3

Ma ngaia are ngke I roko i roumi, ao I mamara ma n rurubenebene ni maaku.

2.I-Korinto 7:15

E rikirake tangirami i rouna, ngkae e uringa aromi ni kabaneingkami n ongeaba nako ina, ma aromi ni m'aneia n akoia ma te rurubenebene ni maaku.

I-Biribi 2:12

Ma ngaia aei, ngkami aika kam tangiraki i rou, kam aki toki n ongeaba, tiaki ti ngke I mena iroumi, ma ai moa ra riki ngkai I a raroa nako mai roumi. Kam na kekeiaki m'aaka, n ruru ni maku, b'a e aonga n reke raoi kamaiuami!

Ebera 12:28

Ma ngaia aei, ngkae e a reke i roura te abanuea ae aki konaki ni kam'aeieiaki, ao ti riai ni kaitau ma n taromauria te Atua n te aro ae E na kukurei iai, ao ni kaota te karinerine ma te maaku;

1.Tamuera 16:4

Ao Tamuera, e karaoa te b'ai are tuangnga te UEA ao e nako Betereem. Ao a nako taani kairiiri man te kaawa ni kaitibo ma ngaia, ma a rangi ni maaku ao a titiraki ni kaangai, “Tera rokom aei, te roko n raoi ke tiaki?”