Ruka 8:43 - Te B'aib'ara

⁴³ I buakoia aomata aika m'aiti akekei ao iai te aine ae aoraki n aine i nanon te maan ae tebwi ma uoua te ririki ae e a tia ni kabane ana b'ai n anganiia taokita, ao akea ae kona ni katoka aorakina.

Ruka 8:43 ပူးပေါင်းရင်းမြစ်များ

2.Rongorongo 16:12

I nanon ana katenibwi ma ruaiwa n ririki n tautaeka, ao e reke i rouna aorakin te wae ae moan te buakaka, ma e onimakiniia taian taokita ao e aki kan buubutiia te UEA buokana.

Iobi 13:4

Kam rabuni bangabaimi n taiani kewe, kaanga ai aroia taokita ngkami aika aki kona ni kamaiuia aomata.

Taian Areru 108:12

Buokira n ara tai n aitara ma aiara; b'a akea manenani buokara mairoun te aomata.

Itaia 2:22

Katoka onimakinan m'aakaia aomata. A na boni bane ni manga mate, ao a na kangaa ni buokingkami?

Mareko 12:44

B'a a anga uakekei mani kaub'aia; ma neierei, e ngae ngke e aki kaub'ai, ma e anga ni kabane ake a reke i rouna ake buokani maiuna.”

Mareko 9:18

ike e taniaki iai i rouna, ao e bouaia i aontano, ao ngaia e kabungibaware ao e katiki m'angaina, ao e tikinono rab'atana. I tuangiia am reirei b'a a na kanakoa mai rouna, ma a aki kona.”

Ruka 13:11

Ao noria, e mena iai te aine ae iai i rouna te anti ae kaaorakaki i rouna i nanon ririki aika tebwi ma wanua; e b'aoua nuukana ao e aki kona ni kaeta raoi rab'atana.

Ruka 13:16

Ao te aine aei, ae natin Aberaam, ae e kabaeaki i nanon tebwi ma wanua te ririki iroun Tatan, tiaki b'a e riai b'a e na kab'araki mani kabaeana aei n te bong ae te Taabati?”

Ruka 8:27

Ao ngke E aerake nako aon te aba, ao E aitara ma te aomata ae taniaki irouia taimonio ae nako man te kawa; e a maan teuaei n aki kukunnikainna, ao e mamaeka n aia tabo maate ma tiaki n te auti.

Ruka 8:42

B'a iai natina te aine ae ti temanna, ae tao ai tebwi ma uoua ana ririki, ao e a kaani mate. Ngke E nako Iesu ao a karib'a aomata aika m'aiti.

Ruka 8:44

E roko n ri akuun Iesu, ao e riinga rabin ana kunnikai; ao n te tai naba arei, ao e toki aorakina n aine.

Ioane 9:1

Ngke E tabe n nakonako Iesu, ao E nora te aomata ae matakii ma ngke e moa ni bungiaki.

Ioane 9:21

ma ti aki ataia b'a e kanga n noraba ngkai, ao ti aki ataia naba b'a antai ae kaure matana. Titirakinna; e a bon ikawai, ao e kona te taetae bon i bukina.”

M'akuri 3:2

Ao e uotaki te aomata temanna ae e a kamani m'auku mai nanoni biroton tinana, ae kaweweneaki n te bong ae koraki n te mataroa are arana Tamaroa, are te mataroa n rin nakon te Tembora, b'a e na bubuti b'aai n tituaraoi mairouia aomata aika rin n te Tembora.

M'akuri 4:22

B'a abwi tabun ana ririki ni maiu te aomata are e karaoaki nakoina te m'akuri ni kamaiu ae kamimii arei.