Ruka 8:42 - Te B'aib'ara

⁴² B'a iai natina te aine ae ti temanna, ae tao ai tebwi ma uoua ana ririki, ao e a kaani mate. Ngke E nako Iesu ao a karib'a aomata aika m'aiti.

Ruka 8:42 ပူးပေါင်းရင်းမြစ်များ

Iobi 4:20

Te bungiaki i m'aiin te tawanou, te mate i m'aain te tairiki, bon te maunanako n aki toki.

Te Minita 6:12

E uarereke te maiu ao akea nanona, ao e mauna nako kaanga te nu. Antai ae e ataa te b'ai ae e rangi n raoiroi i bukira? Antai ae e ataia b'a tera ae e na riki ngkana ti a nako?

Etekiera 24:16

“Etekiera ae natin te aomata, N na anaa maiun te aomata ae ko rangi n tangiria n te tai ae e waekoa. Ma I aki tangiriko b'a ko na ngurengure ke n tang.

Etekiera 24:25

E taku te UEA, Etekiera, N na waekoa n urua te Tembora are kam kainikatonga iai ma n taku b'a kam mano iai, ao N na uotiia nako naba natiia.

Tekaria 12:10

Boni Ngai ae te UEA ae N na karaoa ana kariki Tawita ma kaain Ierutarem b'a a na rangi n nanokawaki ao a na tataro ngkana a noora te aomata are e ewaraki n te kainiwai. A na tang ma n tanginiwenei i bukina, kaanga kaaro aika a tang i bukin maten natiia te rikitemanna ke aia karimoa.

Mareko 5:24

Ao E nako Iesu ma ngaia. A iria aomata aika rangi ni m'aiti n te aro are a karib'a n akea m'awan rarikina.

Ruka 7:12

Ngke E a kaan ma mataroan oon te kawa, ao noria, e a uotaki nako Ina te aomata ae mate ae te rikitemanna iroun tinana, ao neierei e a tia ni mate buuna; a rangi ni m'aiti aomata ake a raona neierei.

Ruka 8:41

Ao noria, e roko te aomata ae arana Iairo, ae te tia taua taekani m'aneabaia I-Iutaia; e b'aka ni bobaraaki i rarikini waen Iesu, ao e butiia b'a E na roko n ana auti.

Ruka 8:43

I buakoia aomata aika m'aiti akekei ao iai te aine ae aoraki n aine i nanon te maan ae tebwi ma uoua te ririki ae e a tia ni kabane ana b'ai n anganiia taokita, ao akea ae kona ni katoka aorakina.

Ruka 8:45

Ao E taku Iesu, “Antai ae riingai?” Ngke a bane n taku b'a tiaki ngaiia ao e taku Betero, “Te Tia Reirei, a otab'aniniiko aomata ao a karib'ako!”

I-Rom 5:12

Ma ngaia aei, b'a ngkai e roko te bure i aon te aba iroun te aomata ae ti temanna,