Ruka 8:40 - Te B'aib'ara

⁴⁰ Ngke E oki Iesu nakon iteran te nama are teuana, ao E butim'aeaki irouia aomata ma te kukurei b'a a bane ni kakantaningaia.

Ruka 8:40 ပူးပေါင်းရင်းမြစ်များ

Taeka n Rabakau 8:34

Nakomai nakon au auti ni katoa bong ao ongora irou. Ao ane kam na kunea te kukurei.

Mataio 9:1

Ao E toka Iesu n te booti n ri nukan te nama, ao E roko n ana kawa.

Mareko 12:37

E atongnga Tawita b'a ana Uea; ao E na kanga ngkanne n atongaki te Kristo b'a kanoan ana kariki Tawita?” Ao a rangi ni bati aomata ake a kukurei n ongora i Rouna.

Mareko 5:21

Ao Iesu E a manga okira iteran te nama are teuana n te booti, ao a botaki nako Ina aomata aika rangi ni m'aiti i rarikin te nama.

Mareko 6:20

b'a Erote, e maaka Ioane, n ataakina i rouna b'a te aomata ngaia ae raoiroi ae tabu; ao e kawakinna raoi. E kan ongongora i rouna, e boni ngae ngke e kakakiriweaki nanona ni katoa te tai are e ongora iai i rouna.

Ruka 19:48

ma akea te kawai teuana ae a kona ni karaoia iai, b'a a bane aomata ni kan ongora i Rouna.

Ruka 19:6

Ma ngaia are e barekia n ruo, ao e butim'aea Iesu ma te kim'areirei.

Ruka 5:1

N te tai teuana, ao E tei Iesu i rarikin te nama are Kennetareta, ao a karib'a aomata i bukini kan ongoraaia n ana taeka te Atua.

Ruka 8:39

“Ko na okira mwengam, ao taekini b'aai ni kabane ake E a tia ni karaoi te Atua nako im.” Ao e nako n tataekin aroni baike E karaoi Iesu nako ina.

Ioane 5:35

Ai aron te taura Ioane are ura ao e oota nako urana, ao kam a tia ni kariaia b'a kam na kim'areirei n ootana i nanon tabeua te bong.

M'akuri 10:33

Ma ngaia are, I a kanakoia naba aomata nako im; ao iai nanom ae e raoiroi b'a ko roko. Ma ngaia ae ti bane ni mena ikai i matan te Atua, b'a ti na ongora ni b'aai ni kabane ake ko tuangaki mairoun te UEA.”