Ruka 8:32 - Te B'aib'ara

³² Iai nanai ni beeki aika bati ake a am'arake ikekei i rarikin te maunga n are e karaabee; ao a butiia b'a E na kanakoia b'a a na rin i nanoia. Ao Ngaia, E kariaia.

Ruka 8:32 ပူးပေါင်းရင်းမြစ်များ

1.Uea 22:22

Ao e taku, “N na karaoia ana burabeti b'a a na kewe nakoina.” Ao E taku te UEA, “E raoiroi. Ko na nako ngkai ni karaoa anne.”

Iobi 1:10

Ko aki toki ni kakawakinna ma ana utu ni kabane. Ko kakab'aiai b'aai ni kabane ake e karaoi, ao ko anganna ana kao aika m'aiti ni kaona te aba ae b'anin.

Iobi 1:12

E taku te UEA nakon Tatan, “E tamaroa, a mena b'aai ni kabane akana i rouna i nanoni baim, ma ko na aki kaikoaka Iobi.” Ao e a nako Tatan.

Iobi 2:6

Ao E taku te UEA nakon Tatan, “E raoiroi, e mena taekana ngkai i nanoni baim, ma ko riai n aki tiringnga.”

Taian Areru 62:11

E raka i aon teuana au tai n ongo ana taeka te Atua, ngke E taetae ni kaangai, “I m'aaka,”

Itaia 65:4

A kakangainaa ni karabaia i nanon taian nangananga are nneia maate; a kang irikon taian beeki, aika a kuukanaki i nanon tioti aika a kam'araa n te kanaki.

Itaia 66:3

Kam kareani taiani kaom'aane nako iu, ao kam tiriaomata; kam karean taian tiibu ataei nako iu ao kam karean taian kamea nakoia anti tabem'aang; kam karean taiani uita nako iu ao raraan taiani beeki nakon taian bouannanti; kam kabuoki b'ai ni kaboiarara nako iu ao kam neboi ami bouannanti. Kam a tia ni rinea are kam tangiria b'a kam na karaoia ni karaoi m'akuri aika a rangi n ribaaki aikai aika b'aai aika kam rangi n tangiri ni kan karaoi.

Nakoaia Ibonga 11:7

Tai kana te beeki. A na atongaki b'a a kam'araa; a aki nnai kanaia mai birotoia ni manga kanti, ma a manga ukin waeia.

Mataio 7:6

Tai angania kamea te b'ai ae katauaki i bukin te Atua, ane a na rairaki n un nako imi; ao tai tetewe nako ami atibu aika rangi ni kakawaki nako mataia beeki, b'a a kawa n toubekaki i aani waeia.

Ruka 8:31

Ao taimonio, a butia Iesu b'a E na aki kanakoia nako Abuto!

Ruka 8:33

A oti nako ngkanne taimonio mairoun teuarei ao a rin i nanoia beeki, ao a toua are e rangi ni karaabee nako nanon te nama ao a b'ab'a.

Ioane 19:11

E kaeka Iesu ao E taku, “Bon akea te b'ai ae ko kona ni karaoia nako iu, ngke arona b'a ko aki anganaki te kona ni karaoia mai karawa; ma ngaia are e a rawawata riki ana bure te aomata are anga Ngai nako im nakon am bure.”

1.Ioane 4:4

Ataei aika uarereke, boni mairoun te Atua ngkami, ao kam a tia ni katae aia kai burabeti ni kewe: b'a E m'aaka riki Teuare mena i nanomi nakon teuare mena i nanoia kaain aon te aba.

Te Kaotioti 20:7

Ao ngkana a koro ririki ake tengaa, ao e na kab'araki Tatan man te tabo are e kainaki iai,