Ruka 8:15 - Te B'aib'ara

¹⁵ Ao i bukiia ake n te tano are raoiroi, akanne bon te koraki ake a ongo te taeka ao a taua ni kamatoa ma te nano ae koaua ae raoiroi, ao a kariki uaa i bukin aia taotaonaki n nano.

Ruka 8:15 ပူးပေါင်းရင်းမြစ်များ

Taian Areru 119:11

I kaaki am Taeka i nanou, b'a I aonga n aki bure nakoim.

Taian Areru 51:10

Te Atua, karika nanou ae itiaki, ao kabooua Tamneim ae kakaonimaki i nanou.

Taeka n Rabakau 3:1

Natiu, uring au reirei ma au taeka ao iri nanoia ni kabane.

Ieremia 15:16

I rangi n ongotaeka, ngke Ko taetae nako iu, i bukina ngke bon Am b'ai ngai, te UEA ae Moan te M'aaka.

Ieremia 31:33

Bon aei te boraraoi ae e boou ae I a manga karaoia Ngai ae te UEA ma ngkami Iteraera: “N na korea Au tua i nanoia ma aia iango. N na riki b'a Atuaia, ao a na riki b'a Au aomata.

Ieremia 32:29

A a kaman buakana te kaawa kaain B'aburon, ao ane a na taua ma ni kaurarakea. E a tia ni kaunai kaain Ierutarem ngke a aki toki n tatam'arake nako taubukin aia auti ma ni kabuoka te b'ai ni kaboiarara nakon B'aara ao a anga te wain nako ia anti ake tabem'aang. Ao ngkai a nang kabuokaki auti aikai ni kab'akaaki!

Mataio 24:13

Ma ane nanom'aka ni karokoa te toki, ao e na kamaiuaki.

Ruka 11:28

Ao Ngaia E kangai, “Te koaua, ma a kab'aia riki akana ongo ana taeka te Atua ao a kawakinna!”

Ruka 6:45

E kaoti baika raraoi te aomata ae raoiroi mani b'ain nanona aika raraoi; ao e kaoti baika bubuaka te aomata ae buakaka mani b'ain nanona aika bubuaka. E taetae te wii man onraken te nano.

Ruka 8:14

Ao i bukiia ake a b'aka i buakoni kaai ake a kateketeke, akanne bon te koraki ake a ongo ma a karib'aki n iango n raraoma i bukini b'ain te maiu aei, ma kaub'aina ao kakukureina, ao a aki kaoti uaaia aika raraoi.

Ruka 8:16

Akea ane kaura te taura ao e rabunna n te b'aketi, ke e kaaki i aan te kainiwene, ma e katokaa i aoni nena, b'a e aonga n noraki ootana irouia aomata ake a rin.

Ioane 14:15

“Ngkana kam tangirai, ao kam na tou mwin au tua.

Ioane 15:10

Ngkana kam ongeaba nakon au tua nako, ao e na bon aki bua mairou tangirami; n ai arou ngkai I ongeaba nakon ana tua nako Tamau, ao e aki bua tangirau i rouna.

I-Rom 2:7

Nakoia ake a ukoukora te neboaki ma te karineaki ma te aki-mamate, n aia botum'aka ni kakaraoi m'akuri aika raoiroi, ao te maiu are aki toki.

I-Rom 6:22

Ma ngkai kam kainaomataki man te bure, ao kam riki b'a ana toro te Atua, ao iai mwina nakoimi b'a te riki b'a ana aomata ni koaua te Atua, ao tokina b'a te maiu are aki toki.

I-Rom 7:18

B'a I ata te raoiroi b'a e aki maeka i nanou, ae i nanon rab'atau; b'a e boni ngae ngke iai i nanou kani karaoan te raoiroi, ma I aki kona ni karaoia.

I-Rom 7:4

Ao ai aromi naba, tariu, b'a kam mate naba nakon te Tua ngkai b'ain rab'atani Kristo ngkami; b'a kam aonga n riki b'a ana b'ai Temanna, are Teuare kamaiuaki mai buakoia maate, b'a ti aonga ni bongana iroun te Atua.

I-Rom 8:25

Ma ngkana ti kaantaninga te bae ti tuai n noria, ao ti kakariaria ma te taotaonaki n nano.

1.I-Korinto 7:19

Akea manen te kaitiakaki, ao akea naba manen te aki-kaitiakaki; ma bon iai maneni kawakinan ana tua te Atua.

I-Ebeto 2:8

B'a kam kamaiuaki n te akoi i bukin te onimaki; ao tiaki mai roumi ae reke iai aei, ma bon ana b'ai n tituaraoi te Atua;

Te Tua-Kaua 30:6

Kam taningabono ma kanoami, ma E na karaoingkami te UEA b'a kam na kukurei n ongotaeka nakoina, ma n tangiria ma nanomi ao tamneimi ni kabane, ao kam na kukurei ma n ab'ab'aki maiumi.

I-Biribi 1:11

ngkai a kaonaki maiumi ni baika reitaki ma ana kaantaninga te Atua, aika baika mairoun Iesu Kristo, are E neboaki te Atua iai ma ni karaoiroaki.

I-Korote 1:10

b'a kam aonga ni karaoi baika boraoi ma nanon te UEA, aika E na kukurei iai, n aromi ni karaoi m'akuri nako aika raraoi; ao b'a kam aonga n ata riki aron te Atua,

I-Korote 1:6

are roko i roumi ao i aonnaba ni kabane: ao e kariki uaa ma n riki rake naba i nanomi man te bong are kam ongo taekana iai, ao n ata raoi ana akoi te Atua n arona ni koaua.

Ebera 10:36

E riai b'a kam na nanom'aka, b'a kam aonga ni karaoa nanon te Atua ao e na reke i roumi iai te baere e taekinaki n te taeka n akoi.

Ebera 2:1

Ma ngaia ae e riai b'a ti na tau ni kamatoai baika ti a tia n ongo, b'a ti kawa ni beibeti nako.

Iakobo 1:4

Ao ke e kakororaoa raoi ana m'akuri te nanom'aaka i nanomi, b'a kam aonga ni kororaoi n akea kab'akami, ao kam aki kainano n te b'ai teuana.

1.Ioane 2:3

Ao aio te aro ae ti ataira iai b'a ti bon ata te Atua: ngkai ti tauu ana tua nako.