Ruka 8:13 - Te B'aib'ara

¹³ Ao ake i aon te ririb'a bon te koraki ake a ongo te taeka ao a kaaki i nanoia ma te kim'areirei; ti te bo te koraki aei ma koraa ake akea wakaaia: a onimaki i nanon te tai ae aki maan, ma ngke a kaririaki ao a b'aka.

Ruka 8:13 ပူးပေါင်းရင်းမြစ်များ

Iobi 19:28

“Ti na kanga ni kammarakia? ao Ko kakaea aonam ni buakanai.

Taeka n Rabakau 12:12

E kataia ni karabaa te aomata ae e buakaka i akuun te buakaka; kaanga ai aron taian aroka aika a nene wakaaia aomata aika a raoiroi.

Taeka n Rabakau 12:3

E aki konaa n reke te teimatoa man te bure! ma ngkana kam maiuakina te raoiroi, ao kam na kateimatoaki kaanga ai aron te aroka ae e nene wakaana.

Itaia 58:2

Kam katoa bong n taromauria ao kam taraa ni kan atai ana reirei nako. Kam karaoa aron te botannaomata ae e kan karaoa ae e raoiroi n ongotaeka nakon ana Tua nako. Buubutia ana motikitaeka ae e eti, ao taekinna b'a ko tangiria n taromauria te UEA.

Etekiera 33:32

Ti te bo ma ko anenea te anene n tangira ke ko tangitang irouia. A ongora, ma akea te b'ai teuana ae a karaoia are ko taekinna.

Otea 6:4

Kaain Iteraera ma Iuta, tera ae I konaa ni karaoia i bukimi? E a tia ni mauna nako tangirau iroumi e waekoa riki ni m'arua nakon te mabubu ke te aoi n otin taai.

Mareko 6:20

b'a Erote, e maaka Ioane, n ataakina i rouna b'a te aomata ngaia ae raoiroi ae tabu; ao e kawakinna raoi. E kan ongongora i rouna, e boni ngae ngke e kakakiriweaki nanona ni katoa te tai are e ongora iai i rouna.

Ruka 8:12

Ake a b'aka ri rarikin te kawai bon aomata ake a tia n ongo; ao e roko te riaboro ao e uota nako te taeka mai nanoia, b'a a aonga n aki onimaki ma n aki kamaiuaki.

Ruka 8:14

Ao i bukiia ake a b'aka i buakoni kaai ake a kateketeke, akanne bon te koraki ake a ongo ma a karib'aki n iango n raraoma i bukini b'ain te maiu aei, ma kaub'aina ao kakukureina, ao a aki kaoti uaaia aika raraoi.

Ioane 15:2

Te m'aanga ae nim ma Ngai ae e aki uaa, ao E kanakoa; ao te m'aanga ae uaa, E kaitiakia, b'a e aonga ni kariki uaana aika m'aiti.

Ioane 15:6

Ane aki nim ma Ngai, ao e teweaki nako n ai aron te m'anga, ao e rai. A bobotaki aeka ni m'anga aikai, ao a teweaki nako nanon te ai, ao a bue.

Ioane 5:35

Ai aron te taura Ioane are ura ao e oota nako urana, ao kam a tia ni kariaia b'a kam na kim'areirei n ootana i nanon tabeua te bong.

1.I-Korinto 13:2

Ao ngkana iai i rou te kona n taetae ni burabeti, ma te kona n atai baika raba ni kabane, ma te atatai ni kabanea; ao ngkana e bane n reke i rou aron te onimaki are I kona ni kam'ae nako maunga iai, ma ngkana akea te tangira i rou, ao bon akea bonganau.

1.I-Korinto 15:2

ao are kam kamaiuaki naba iai ngkana kam taua ni kamatoa i nanomi; ma ngkana kam aki, ao a matebuaka ami onimaki.

I-Karatia 3:1

I-Karatia aika kam nanobaba, antai ae m'am'anaingkami, ngkami aika E kaotaki raoi taekani Iesu Kristo i matami, b'a E tauraki n te kaibangaki?

I-Karatia 3:4

A matebuaka b'aai ake a tia n riki nakoimi? A bon aki matebuaka.

I-Ebeto 3:17

b'a E na maeka Kristo i nanomi i bukin ami onimaki, ao b'a a na iai wakaami ma aami n te tangira,

I-Korote 1:23

Ma kam bon riai ni matoatoa ma n nene n ami onimaki, ao kam na aki kam'aingaki man te kaantaninga are reke i roumi ngke kam ongo taekan te euangkerio; are e tataekinaki nakoia aomata ni kabaneia i aonnaba ni kabuta ao are I riki iai, ngai ae B'auro, b'a te tia m'akuri i bukina.

I-Korote 2:7

A na nene wakaami i Rouna, ao karikia b'a aani maiumi. Kam na kateimatoaki n ami onimaki, n te aro are kam reireiaki iai, ao kam na kabatia te katituaraoi.

1.I-Tetaronike 3:5

Ma ngaia arei, ngke I aki kona ni kamaanai riki n taona nanou, ao I kanakoa Timoteo nako imi b'a I aonga n ata aron ami onimaki; b'a I raraoma ngkana tao kam a tia ni kairaki iroun te tia kariri, ao a matebuaka ara m'akuri.

1.Timoteo 1:19

ao kawakina am onimaki ma mataniwin nanom ae e raoiroi. Iai tabem'aang aika rawa n ongo ni b'anaan mataniwin nanoia ae e raoiroi ao a karika te kabuanib'ai nakon aia onimaki, kanga ai aron te kaibuke ae koro ao e uruaki;

Ebera 10:39

Ma tiaki ngaira kaain te kerikaki nakon te mate, ma kaain te onimaki nakon te maiu.

Iakobo 2:26

B'a aron te rab'ata b'a e mate ngkana akea te tamnei, ao ai aron naba te onimaki b'a e mate ngkana akea te m'akuri.

2.Betero 2:20

B'a ngkana a a tia ni butaki nako mani kam'arani b'ain te maiu aei, n ataakin te Uea are te Tia Kamaiu are Iesu Kristo, ao ngkana a manga mangao i buakoia ma n tae aia kai iai, ao n tokiia a buakaka riki aroia nakon are rimoa.

2.Betero 2:22

E a kaotaki n te baere riki nakoia b'a a koaua iai taeka n rabakau aika kaangai: “E a manga okira mumutana te kamea” ao “Te beeki ae e a tia n tebokaki, e a manga okira rabinobinona i nanon te bokaboka.”

1.Ioane 2:19

Kairiribai aikai a nako mai buakora, ma bon tiaki raora; b'a ngke arona b'a raora, ao a na bon tiku i roura. Ma a nako mai buakora, b'a a na kaotaki b'a tiaki raora ngaiia ni kabaneia.

Iuta 1:12

Te koraki arei a riki b'a kanga baareka n ami botaki n am'arake n i tangitangiri, ngkai a botaki n am'arake ma te aki aubaa, ao a ti tabeakiniia i bon i rouia; kanga naang aika akea te karau i nanoia, aika uouotaki nako n te ang; kanga kaai aika aki uaa n taini kaai n uaa; aika kaai aika kanga uoua aia tai ni mate ao a taekaki mani wakaaia;