Ruka 8:12 - Te B'aib'ara

¹² Ake a b'aka ri rarikin te kawai bon aomata ake a tia n ongo; ao e roko te riaboro ao e uota nako te taeka mai nanoia, b'a a aonga n aki onimaki ma n aki kamaiuaki.

Ruka 8:12 ပူးပေါင်းရင်းမြစ်များ

Taeka n Rabakau 1:29

Eng, e na bon akea te b'ai ae kam na ataia, ao kam na bon rawa ni karinea te UEA.

Taeka n Rabakau 4:5

Ko na wanawana ma n reireiniko te iangoraoi; ururing au reirei nako, ao karaoa ae I tuangko.

Itaia 65:11

“Ma e na kaangaanga nakoimi ngkami aika kam m'anuokinai, ao ngkami naba aika kam m'anuokina Tion, au Maunga are Tabu, ao ma n taromauria Kaata, ao Meni, ake atuan te tekeraoi ma tokin te waaki.

Mataio 13:19

Ngkana e ongo taekan Uean te Atua te aomata ao e aki ata nanona, ao e roko iai teuare buakaka n anaa are e a tia n unikaki i nanona; aei te koraa are unikaki ri rarikin te kawai.

Mataio 13:4

Ao ngke e kamaae, ao a b'aka tabeua ri rarikin te kawai, ao a roko mannikiba ni kang.

Mareko 4:15

Aomata tem'angina, a kabotauaki b'a kaanga koraa ake a b'aka ri rarikin te kawai: n te tai naba are a ongo iai ana taeka te Atua, ao e roko Tatan ao e anaia mai rouia.

Ruka 8:11

Aio nanon te rongorongo ni kabotau; Te koraa bon ana taeka te Atua.

Ruka 8:13

Ao ake i aon te ririb'a bon te koraki ake a ongo te taeka ao a kaaki i nanoia ma te kim'areirei; ti te bo te koraki aei ma koraa ake akea wakaaia: a onimaki i nanon te tai ae aki maan, ma ngke a kaririaki ao a b'aka.

Ruka 8:5

E oti nako te tia ununiki ni kamaae ana koraa; ao ngke e kamaae a b'aka tabeua ri rarikin te kawai, ao a touaki, ao a kang mannikiba.

Te Kaotioti 12:9

Ao e teweaki nako mai eta te rakon are korakora, are te naeta are ngkoangkoa, are arana te Riaboro ke Tatan, are m'am'anaia kaain aonnaba ni kabaneia: e teweaki nako aon te aba, ao a teweaki nako naba ana anera ma ngaia.