Ruka 8:10 - Te B'aib'ara

¹⁰ ao Ngaia E taku, Kam anganaki te kona n atai baike a raba ake b'ain uean te Atua; ma a anganaki aomata aika bati n taeka ni kabotau, b'a a na taratara ma a na aki noraba, ao a na ongora ma a na aki atatai.

Ruka 8:10 ပူးပေါင်းရင်းမြစ်များ

Taian Areru 25:14

Te UEA bon raoraoia akana ongeaba i Rouna, Ao E karaoa ana boraraoi ma ngaiia.

Itaia 29:14

Ma ngaia are, N na manga karaoi b'aai ake a katiaokiia ma ni kamimiia, ao N na kamaunai wanawanaia akana a taku b'a a rabakau ma n ataib'ai.”

Itaia 44:18

A matakii ao a nanobaba koraki aika a taromauri taian bouannanti!

Itaia 6:9

Ao i mwiina e a kanakoai te UEA ao I taekina te rongorongo aei nakoia aomata ni kaangai: “Kam na ongo man ongo, ma kam na aki ataa nanona. kam taraia man taraia, ma kam na aki nooria.” Ao e taku naba te UEA,

Ieremia 5:21

Taian nanobaba! E aera ngkai kam aki kakauongo ngke I taetae? Kam aki ataia b'a kam

Etekiera 12:2

Etekiera ae natin te aomata, ko maeka i buakoia taani kamangao. Bon iai mataia, ma a rawa n taratara; iai taningaia ma a rawa ni kakauongo.

Mataio 11:25

Ao ni boong akekei, ao E taetae Iesu ni kangai, I karab'ako, Tamau, ae Ueani karawa ma aonnaba, b'a Ko karabai baikai nakoia akana rabakau ma akana wanawana, ao Ko kaoti nakoia merimeri.

Mataio 16:17

Ao E kaekaa Iesu ni kangai, “Ko a kab'aia, Timon ae natin Iona! B'a tiaki te aomata ae kaota aei nako im, ma E kaotia Tamau are i karawa.

Mareko 4:11

E taku Iesu nako ia, “Kam a tia n anganaki te baere raba, are b'ain Uean te Atua; ma i bukiia ake i tinaniku, a taekinaki b'aai nako ia n taeka ni kabotau;

Mareko 4:12

b'a a aonga n taratara ma n taratara, ma a na aki noraba; b'a a na ongora ma n ongora, ma a na aki atatai: b'a ngkana a noraba ao a atatai, ao ane a na rairi nanoia ao a na kab'araki aia bure.”

Ioane 12:40

“E kamataki mataia te Atua, ao E kamatoai nanoia; b'a a kaawa n noraba ni mataia ao n atatai n nanoia, ma n rairaki nako iu b'a N na kamaiuia.”

I-Rom 16:25

Ti na neboa te Atua! B'a E kona ni kateimatoaingkami n te euangkerio are I tataekinna, are rongorongon Iesu Kristo, ao ni kaotiotan te baere raba are karabaki ma ngkoa i nanon rooro ma rooro;

1.I-Korinto 12:11

Bon te Tamnei are Raoiroi naba aei ae ti temanna ae karaoi baikai ni kabane, n tib'atib'ai nakoia aomata n tatabemaniia nako n ai aron nanona.

Te Tua-Kaua 29:4

Ao e bon tuangkami naba ni kaangai, I kairingkami i nanon 40 te ririki i nanon te rereua, ao a na aki uruaki ami kunnikai ao ami kauniwae, ao I anganingkami naba kanami ae raka. I karaoi baikai b'a kam aonga n ataia b'a bon Atuami Ngai. Kam ti kona n atai nanon baika kam a tia n noori ao baika kam a tia n ongo ngkana E bitii nanomi te UEA.

I-Korote 2:2

I karaoa aei b'a a aonga ni kauungaki nanoia, n aroia n reitaki n te tangira, ao b'a a aonga n aki nanokokoraki teutana n te atatai, are e na ataaki raoi iai te baere raba, are Kristo, are mairoun te Atua,

1.Timoteo 3:16

Ao ti kaotia b'a e kakannato te baere raba are b'ain te Aro ni Kristian: E kaoti n rab'ata, E kakoauaki iroun te Tamnei b'a e eti arona, E noraki irouia anera, E tataekinaki nakoia aomata ni kabaneia; E onimakinaki irouia aomata nako i aonnaba, E uotaki rake ni mimitong.