Ruka 7:50 - Te B'aib'ara

⁵⁰ Ao E taku Iesu nakon te aine arei, “E kamaiuko am onimaki; naako ma te rau.”

Ruka 7:50 ပူးပေါင်းရင်းမြစ်များ

Te Minita 9:7

Kakukureingkami ao kamaiu nanomi n am'arake mani mooi! Bon aei te b'ai ae e a kaman baaireia te Atua b'a kam na riai ni karaoia.

Ab'akuka 2:4

Ao aio te rongorongo, “Ana bon aki tiku ni maiu aika a buakaka, ma aika a raoiroi ana bon maiu i bukin aia kakaonimaki nakon te Atua.”

Mataio 9:22

E rairaki Iesu, ao ngke E nora neierei, ao E taku, “Natiu, Tai raraoma, e kamaiuko am onimaki.” Ao e kamaiuaki te aine arei n te tai naba arei.

Mareko 10:52

E taku Iesu nako ina, “Toua nako kawaim; e kamaiuko am onimaki.” E a noraba ngkekei naba, ao e irira Iesu i nanon te kawai.

Mareko 5:34

E taku Iesu nako ina, “Natiu, e kamaiuko am onimaki; naako ma te rau, ao ko na kamaiuaki man aorakim.”

Ruka 17:19

Ao E taku nako ina, “Tei rake, ao naako; e kamaiuko am onimaki.”

Ruka 18:42

Ao E taku Iesu nako ina, “Ko na noraba; e kamaiuko am onimaki.”

Ruka 7:9

Ngke E ongo aei Iesu, ao E mimi i rouna, ao E rairaki, ao E taku nakoia aomata aika bati ake a iria, “I tuangngkami b'a akea i buakoia Iteraera ae I kunea b'a iai ana onimaki ae korakora n ai aron aei!”

Ruka 8:18

Kam na tarataraingkami ngkanne n aromi n ongora: b'a ane e na anganaki riki teuare iai ana b'ai, ao ane akea ana b'ai, ao e na anaaki mai rouna are e taku b'a ana b'ai.

Ruka 8:42

B'a iai natina te aine ae ti temanna, ae tao ai tebwi ma uoua ana ririki, ao e a kaani mate. Ngke E nako Iesu ao a karib'a aomata aika m'aiti.

Ruka 8:48

Ao E taku Iesu nako ina, “Natiu, e kamaiuko am onimaki; naako ma te rau!”

1.Tamuera 1:17

Ao e taku Eri, “Okira mwengam. Ana bane n raoiroi b'aai ni kabane. E na bon kaekai am tataro Atuaia Iteraera.”