Ruka 7:47 - Te B'aib'ara

⁴⁷ Ma ngaia ae I tuangko b'a e bati ana tangira i bukina ngkai a kab'araki ana bure aika bati; ma ane aki bati ana bure ni kab'araki, ao e aki bati ana tangira.”

Ruka 7:47 ပူးပေါင်းရင်းမြစ်များ

Itaia 1:18

Ngai, ae te UEA, ae I kaoingkami b'a kam na nakomai ma ni maroroakinna. A turu urauran ami bure, ao a na mainaina kaanga te tinoo ke buraen te tiibu.

Itaia 55:7

Kaaki kawaim nako aika b'aoua ao am iango aika a buakaka. Okira te UEA ae Atuara. E na nanoangaiko ao ane E na kab'arai am bure nako.

Etekiera 16:63

N na kab'araa am bure, ma ko na riai ni iangoi am bure ma ni mamaa iai n te aro are ko na aki kakarongoa. Bon aei au taeka Ngai ae te UEA.

Mika 7:19

Ko na manga nanoangaira riki. Ko na toubekai ara bure i aani waem, ao karenakoi i kabin marawa!

Mataio 10:37

Ane tangira riki tamana ma tinana nako Iu, ao e aki tau b'a e na riki b'a au reirei; ao ane tangira riki natina te mm'aane ke natina te aine nako Iu, ao e aki tau b'a e na riki b'a au reirei.

Ruka 7:39

Ao te B'aritaio are kaoa Iesu, ngke e nora te baerei, ao e taku i nanona, “Ngke arona b'a te burabeti Teuaei, ao E na kaman ataia b'a antai te aine aei, ae riingnga, ao arona, b'a te aine ae buakaka.”

Ruka 7:46

Ko aki kabira atuu n te b'a, ma neiei e kabira waeu n te b'a.

Ruka 7:48

Ao E taku nakon neierei, “A kab'araki am bure.”

M'akuri 5:31

E neboia te Atua ni kaaki i rarikina b'a te Mataniwi Ngaia ao te Tia Kamaiu: b'a E aonga n reke nakoia Iteraera aia tai n rairi nanoia ao ni kab'araki aia bure.

I-Rom 5:20

Ma e roko te Tua b'a e aonga ni m'aiti te bure; ma ike e m'aiti iai te bure, ao e a manga m'aiti riki iai te akoi.

2.I-Korinto 5:14

B'a e tautaekaniira ana tangira Kristo; ao ngkai ti kakoaua b'a E mate i bukiia aomata ni kabaneia, ao nanona b'a a bane aomata ni buokanib'ai ni matena;

I-Karatia 5:6

B'a akea i nanoni Kristo Iesu manenan te korotabonim'aneaki ke te aki korotabonim'aneaki; ma e manena te onimaki are e oti arona n te m'akuri ae iai te tangira iai.

I-Ebeto 6:24

E na mena te akoaki irouia aomata ni kabaneia ake a tangira ara UEA are Iesu Kristo n te tangira ae akea tokina.

I-Biribi 1:9

Ao bon aei au tataro b'a e na ririki rake ni kabatiaki ami tangira, n te aro n rabakau ma n atatai.

1.Timoteo 1:14

Ma E rangi n akoi te Uea nako iu, ngke E anganai te onimaki ma te tangira ae ti b'ainna ngkai ti reitaki ma Ngaia.

1.Ioane 1:7

ma ngkana ti nakonako n te oota n ai arona ngkae E mena n te oota, ao ti i raorao i roura, ao e kaitiakiira raraan Iesu are Natina man te buakaka ni kabane.

1.Ioane 3:18

Au ataei aika uarereke, ti na tai i tangitangiri n ti te taeka ao n te newe, ma a na noraki arora n i tangitangiri n te m'akuri ao n te koaua.

1.Ioane 4:19

Ti b'aina te tangira, i bukina b'a E tangirira moa.

1.Ioane 5:3

B'a bon tangiran te Atua te baei, ae tauan ana tua i roura; ao a aki kanganga aroia n tauaki.